Қазақстан Республикасы Білім және ғылым министрлігі (бұдан әрі – ҚР БҒМ) «Өнімді инновацияларды ынталандыру» жобасын іске асыру шеңберінде Аға ғылыми қызметкерлер тобы (АҒҚТ) және Кіші ғылыми қызметкерлер тобы (КҒҚТ) үшін гранттар бағдарламасы бойынша ғылыми-зерттеу институттарының, университеттердің және Қазақстан Республикасында ғылыми және ғылыми техникалық қызмет атқаратын басқа да мекемелердің ҒЗТКЖ келешегі бар нәтижелерін коммерцияландыруға арналған 2016 жылғы 1 шілдеден бастап конкурс жариялайды.

Конкурсқа келешегі бар технологиялар және үлкен коммерциялық әлеуетке ие ғылыми-техникалық зерттеулері бар ғалымдар тобы мен заңды тұлғалар қатыса алады. АҒҚТ және КҒҚТ үшін гранттар бағдарламасы бойынша толық ақпаратты сіздер www.fpip.kz веб-сайтынан ала аласыздар.  

Грант алуға алдын-ала ұсыныстарды тапсыру туралы хабарландыру Қазақстан Республикасы Білім және ғылым министрлігі Ғылым комитетінің www.sc.edu.gov.kz сайтынды жарияланатын болады.

Осыған байланысты, конкурс туралы ақпаратты қарамағыңыздағы барлық мүдделі ұйымдарға жіберуіңізді сұраймыз.

Қосымша сұрақтар бойынша ақпаратты:

Астана қаласы, «Достық» көшесі, 20, 1311 кеңсе мекенжайы бойынша немесе info@fpip.kz электрондық пошта арқылы алуға болады.