«Үздік спорттық топ» атты спартакиаданың аясында студенттер арасында волейболдан жарыс өтті

            Университетіміздің 65-жылдығына орай және студенттер арасында салауатты өмір салтын насихаттау мақсатында университет қабырғасында волейбол және баскетбол ойындарынан  «Үздік спорттық топ» атты спартакиаданың бастау алғаны белгілі. 

2018 жылғы қарашаның 4-і күні 5 курстар арасында алғаш болып Неврология және нейрофизиология кафедрасының ассистенттері Д.П. Брыжахин, Д.Р.  Кунафина, Ш.Д. Енсибаева, Ш.Б. Ахметқалиева кураторлық ететін жалпы медицина факультетінің 531, 532,533, 534, 535, 536 топтары волейболдан жарысты бастап кетті. Айтулы шараға топ мүшелері бір кісідей қатысып, белсенділік танытты. Тіптен кішкентай балалары бар жас аналар да өз топтарына қолдау білдіріп жанкүйер болды.

              Өкінішке орай, бір сарынды оқу үрдісінде студенттер, қала берді қазіргі заманда адамдар бір-бірімен тығыз араласпайды. Оның себебі, бәрімізге белгілі әлеуметтік желінің басымдығы мен уақытты ұтымды пайдаланбау. Ал, осындай топтық рухты көтеретін бүгінгі спорттық жарыста студенттер тек ойын ойнап қоймай, бой түзеп бір серпіліп қайтты. Ойын соңында жарыс қатысушылары  атаулы шараны ұйымдастырушыларға және қолдау көрсетіп келген Неврология және нейрофизиология кафедрасының оқытушыларына алғыстарын білдіріп естелікке суретке түсті.

Неврология және нейрофизиология кафедрасының тәрбиесіне жауапты ассистенті

Енсибаева Шолпан Дүйсенханқызы

Жарияланды:
Рубрикалар: Оқу процесі