Отбасылық медицина кафедрасында дөңгелек үстел өтті

2018 жылғы 14 қараша күні Отбасылық медицина кафедрасында 541 және 542 топтарының кураторы м.ғ.к., Ресей Жаратылыстану Академиясы профессоры С.М. Әділғожина бастамасымен «Елін сүйген, елі сүйген Елбасы!» атты тақырыпта дөңгелек үстел өткізілді.

Кафедра меңгерушісі м.ғ.д. М.С. Казымов алғысөзімен дөңгелек үстел жұмысын бастады. Іс-шараға кафедра оқытушылары м.ғ.к. Ж.А. Мусабекова және ассистент Н.А. Балашкевич те қатысты. 542 топ студенті Дулат Рахымов Елбасының өмір жолы мен елімізге сіңірген ерекше еңбегі туралы баяндама оқыды. Жас ұрпақ ертеңімізді Елбасымыздың, оның нұсқаған басым бағыттары арқылы елестете аламыз деп қорытындылады.

Студент жастар Елбасының елімізге енгізген жаңа стратегиялық бағыттары мен бағдарламалары туралы ой қозғады. Сонымен қатар, қазіргі жастар мен болашақ ұрпақ үшін салынып жатқан зияткерлік мектептер мен өзге де білім ордаларын, білімді де, дарынды жастарға барлық мүмкіндіктер жасалғанын атап өтті. Дөңгелек үстел қатысушылары іс-шара соңында Елбасының «Бұл заман білекке сенетін емес, білімге сенетін заман" деген өнегелі сөзімен қорытындылады.

 

Отбасылық медицина кафедрасының ассистенті

м.ғ.к., РЖА профессоры С.М. Әділғожина 

Жарияланды:
Рубрикалар: Оқу процесі