2019-2020 оқу жылының қорытынды мемлекеттік аттестаттау хатшыларымен кездесу

2019-2020 оқу жылының қорытынды мемлекеттік аттестаттау хатшыларымен кездесу

2020 жылғы 29 мамырда барлық мамандықтар мен деңгейдегі қорытынды мемлекеттік аттестаттау хатшыларымен кездесу өтті. Жиналысқа мектеп декандары Саимова А. Ж., Пак Л.А., бітіруші курс декандарының орынбасарлары Садыкова Л.К., Жакупбекова Э.А., Шуақбаева Ж.Р. және академиялық жұмыс департаментінің әдіскері Проказюк А.А. қатысты.

Кездесу барысында Қоғамдық денсаулық сақтау, стоматология, фармация және мейіргер ісі мектебінің деканы Ж. Саимова хатшыларды қорытынды мемлекеттік аттестаттауды өткізу ережелерімен таныстырып, “Қашықтықтан білім беру технологияларын қолдану арқылы оқуға көшу кезінде «СМУ» КеАҚ бітірушілерді қорытынды аттестаттауды өткізу алгоритмі және жүргізу» туралы СОП-қа қатысушылардың назарларына ұсынды. Проказюк А.А. қорытынды мемлекеттік аттестаттауды Keyps жүйесіндегі Big Blue Button өткізілу жолдарымен таныстырып, көрнекі түде көрсетті.

Сонымен қатар, студенттер мен комиссия мүшелерін жүйеге қосуды ұйымдастыру, емтихан кезінде прокторинг өткізу және емтихан алушылар мен хатшылар арасында жауапкершілікті бөлу мәселелері талқыланды.

Қорытынды мемлекеттік аттестаттау хатшылары  сұрақтарын қойып, оларға толық жауаптар алды.

 

Қоғамдық денсаулық сақтау, стоматология,

фармация және мейіргер ісі мектебі

Жарияланды: