Бүгінгі күні «Жалпы медицина» мамандығының 5 курс студенттерінен қорытынды мемлекеттік емтиханды қашықтықтан қабылдау жалғасуда. Қорытынды мемлекеттік емтиханның II кезеңі – ZOOM платформасы арқылы құрылымданған ауызша емтихан түрінде алынуда.
Емтихан үрдісін ұйымдастыруға жауапты хатшы – отбасылық медицина кафедрасының ассистенті Нуржанова Аида Ермекқызы бастаған хатшылар:
• жүрек-қантамыр және торракальды хирургия кафедрасының ассистенті Горковенко Ольга Александровна;
• жедел медициналық көмек кафедрасының ассистенті Акимжанова Асель Қажымуканқызы;
• клиникалық және радиациялық онкология кафедрасы ассистенті Рахманкулова Айдана Манаровна;
• перинатология кафедрасының ассистенті Кумарова Гульназ Агыбаевна өз қызметтерін тиісті деңгейде ұйымдастыра біліп, емтиханның ойдағыдай өтуіне ат салысуда.
Мемлекеттік емтихан қабылдаушы оқытушылар қатары да өз қызметіне жауапкершілікпен қарап, мемлекеттік емтиханның барлық талаптары мен ережелерін, санитарлық-эпидемиологиялық нормаларды сақтай отырып жұмыс жасауда.
Мемлекеттік емтиханды тапсыру кезінде, әрбір студентті емтихан қабылдаушыға қосқан уақыттан бастап аяғына дейін емтиханның видео-жазбасы жүргізілуде. Сонымен қатар, мемлекеттік емтиханның барлық кезеңдері МАК және Жемқорлыққа қарсы комитет мүшелерінің бақылауымен өтуде.
«Жалпы медицина» мамандығы 5 курс студенттеріне қорытынды мемлекеттік емтиханды сәтті аяқтап, жақсы көрсеткіштерге жетулеріне тілектестік білдіреміз!
Медицина мектебі
