Дәрігерлік таңғы «бесминуттық» жиналыс, дәрігерлер және студенттердің қатысуымен, әдеттегідей кезекші дәрігердің түнгі кезекшілікте стационарға госпитализацияланған науқастардың жағдайына, бақылауда қалған науқастардың динамикадағы клиникасына баяндама жасалудан басталып, бүгінгі күнге жоспарланған іс-шаралар мен кафедра меңгерушісінің жалпы қарауын қажет ететін науқастардың жағдайын талқылаумен аяқталатын. Дәстүрлі өтетін «бесминуттық» жиналыс бүгін ерекше ағымда өтті.
Балалар жұқпалы аурулар кафедрасының меңгерушісі м.ғ.к. И.М. Эфендиев бастамасымен қазақтың Ұлы ақыны Абайдың 175 жылдық мерейтойына орай 6 курс студенттерінің қатысуымен таңғы «бесминуттық» іс-шарасы өтті. Абайдың қара сөздері мен шығармалары оқылып, күй шертілді. Дәрігер инфекционист Б.Ж. Асылбеков Абайдың «Ғылым таппай мақтанба….» өлеңін оқып, ой өрісті дамытатын терең мағыналына сөздеріне тоқталды. Абайдың 175 жылдық мерейтойына арналған іс-шара жаңа форматта өтіп, жалғасын таба бермек.
