2020 жылғы 8 желтоқсандағы №2 отырыс хаттамасы бойынша комиссия мүшелерінің шешімімен «Студенттік ректор» лауазымына сайлау жұмыстары студенттер күндізгі оқу жүйесіне ауысқан уақытқа дейін шегерілді (болжам бойынша 2021 жылғы көктемгі семестр). Бұл туралы комиссия төрағасы, Басқарма Төрағасының стратегиялық даму және жастар саясаты бойынша орынбасары Айдосов Нұржан Сарсынбекұлы ұсынды.
Сайлау жұмыстарына дейін студенттік ректор міндетін уақытша тәрбие ісі бойынша ректордың орынбасары, жалпы медицина мамандығының 3 курс студенті Диас Байдюсенов атқаратын болады.
«СМУ» КеАҚ студенттік ректор лауазымына үміткерлерді жинау және таңдау туралы сайлау жұмыстарының уақыты аңықталғаннан кейін хабарланатын болады.
Жастар саясаты бөлімінің атынан Жаныбеков Ерасылға, осы уақытқа дейін атқарылған жұмыстары үшін «СМУ» КеАҚ ұжымы мен студенттері атынан алғыс білдіреміз!