Тәуелсіздік күнінің қарсаңында 14 желтоқсан күні Семей медицина университетінде салтанатты жиналыс өтті. Басқосу барысында оқытушылар, ғалымдар, клиницистер, ардагерлер, сондай-ақ университет студенттері медальдармен, грамоталармен және алғыс хаттармен марапатталды.
29 жыл бұрын, яғни, 1991 жылғы 16 желтоқсанда Қазақстан өзін тәуелсіз мемлекет деп жариялап, өз тарихының жаңа кезеңін бастады. Еліміздің барлық тұрғындары үшін бұл күн қазақ халқының мызғымас ерік-жігерінің, болашаққа, бейбітшілік пен жасампаздыққа ұмтылысының символы.
Қазақстан Республикасы Тәуелсіздігінің 29 жылдығына арналған салтанатты жиналысты “Семей медицина университеті” КеАҚ Басқарма Төрағасы-Ректоры Ерсін Жүнісов құттықтау сөзімен ашты.
– Құрметті әріптестер, университеті студенттері! Сіздерді басты мемлекеттік мереке – Отанымыздың Тәуелсіздігі күнімен құттықтаймын.Бұл күнге жетуді бабаларымыз ғасырлар бойы армандаған. Тәуелсіздік жолында қазақтың талай батыр ұл-қыздары жандарын пида етті. Сондықтан да еліміз үшін тәуелсіздік қасиетті де қастерлі ұғым.
Тәуелсіздіктің арқасында біз баға жетпес сый – болашағымызды өзіміз таңдау мүмкіндігіне ие болдық, – деді Ерсін Жүнісов. Өз сөзінде Басқарма Төрағасы университеттің Тәуелсіздік жылдары қол жеткізген жетістіктерін атап өтіп, университет ұжымы мен ардагерлеріне тілектерін білдірді.
Іс-шара салтанатты марапаттау рәсімімен жалғасты. Отандық денсаулық сақтау жүйесінің, жоғары медициналық білімнің, ғылымның дамуына елеулі үлес қосқан оқытушылар, ғалымдар, клиницистер, ардагерлер, сондай-ақ білім алушылар медальдармен, грамоталармен және алғыс хаттармен марапатталды.
Жоғары оқу орнының қызметкерлері “Шапағат”, “Халық алғысы”, “Қазақстан Республикасы Конституциясына 25 жыл” медалі, “Денсаулық сақтау ісіне қосқан үлесі үшін”, “ҚР денсаулық сақтау ісінің үздігі” төсбелгілерімен марапатталды, сонымен қатар ҚР Денсаулық сақтау министрінің “Еңбек ардагері” медальдары табыс етілді. Еліміздің Денсаулық сақтау министрлігі басшылығының атынан грамоталар мен алғыс хаттар өз иелерін тапты. Сондай-ақ, грамоталар мен алғыс хаттар Семей қаласы әкімінің, университет басқармасының атынан табыс етілді.
COVID-19 пандемиясымен күреске үлес қосқан қызметкерлер мен студенттер алғыс хаттармен марапатталды. Оқуда озат және қоғамдық жұмыстар барысында белсенділік танытқан бірқатар студенттерге алғыс хат табысталды.
Салтанатты жиналыс барысында онлайн форматында мерекелік концерттік бағдарлама ұсынылды.
[vc_row dt_title=”” mode=”masonry” responsiveness=”browser_width_based” bwb_columns=”desktop:2|h_tablet:2|v_tablet:2|phone:1″ pwb_column_min_width=”” pwb_columns=”” gap_between_posts=”5px” loading_effect=”fade_in” image_sizing=”proportional” resized_image_dimensions=”1×1″ image_border_radius=”0px” image_decoration=”none” shadow_h_length=”0px” shadow_v_length=”4px” shadow_blur_radius=”12px” shadow_spread=”3px” shadow_color=”rgba(0,0,0,0.25)” image_scale_animation_on_hover=”slow_scale” image_hover_bg_color=”default” custom_rollover_bg_color=”rgba(0,0,0,0.5)” custom_rollover_bg_gradient=”45deg|rgba(12,239,154,0.8) 0%|rgba(0,108,220,0.8) 50%|rgba(184,38,220,0.8) 100%” hover_animation=”fade” on_click=”popup” show_zoom=”y” gallery_image_zoom_icon=”icomoon-the7-font-the7-zoom-06″ project_icon_size=”32px” project_icon_color=”#ffffff” project_icon_bg_size=”44px” project_icon_bg=”n” project_icon_bg_color=”rgba(255,255,255,0.3)” project_icon_border_radius=”100px” project_icon_border_width=”0px” project_icon_border_color=”” loading_mode=”disabled” jsp_posts_per_page=”” jsp_show_all_pages=”n” jsp_gap_before_pagination=”” jsm_posts_per_page=”” jsm_gap_before_pagination=”” jsl_posts_per_page=”” navigation_font_color=”” navigation_accent_color=”” include=”” dt_project_icon_title=”” css_dt_gallery=””][vc_column]
