2020 жылғы 24 желтоқсан күні жылы оқытушы Алимбаева Алия Рахметтулақызының жетекшілігімен және медицина мамандығы бойынша 1-ші жыл докторанттары Тайоразова Гульнара Болатовна мен Аильбаева Назым Муратбековнаның педагогикалық тәжірибе барысында, сонымен қатар «Физикалық медицина және реабилитация» мамандығының резиденттерінің ұйымдастыруымен «Травматология және ортопедия» кафедрасының меңгерушісі Тлемисов Айдос Советханұлының және резиденттердің қатысуымен, онлайн форматта «Эндопротездеуден кейінгі жамбас және тізе буындарына оңалту жүргізу» тақырыбында интеграциялық сабақ өтті.
Соңғы жылдары ортопедиялық хирургияда эндопротездеудің дамуына байланысты үлкен прогресс болды. Артропластикалық операцияларды енгізу, ауырсынуды едәуір азайтуға және жамбас буындарының патологиясы бар пациенттердің көпшілігінде функционалдық тапшылықты қалпына келтіруге мүмкіндік берді. Жыл сайын әлемде жамбас буынын эндопротездеудің 500000-ға жуық операциясы жасалады және бұл операцияларға қажеттілік үнемі артып келеді, бұл осы мәселенің маңызды өзектілігін көрсетеді. Хирургиялық емдеудің жақсы нәтижелеріне, соның ішінде барлық операциядан кейінгі кезеңде науқастардың өмір сүру сапасын жақсарту, буындарының қозғалысын, бұлшықет күштерін қалпына келтіру оңалтудың арқасында қол жеткізіледі.
Интеграциялық сабақтың мақсаты – эндопротездеуден кейінгі науқастардың буындарының қызметін, қозғалысын, өзіне-өзі қызмет көрсетуін және өмір сапасын жақсарту мақсатында тәжірибе алмасу және әлем бойынша барлық өзгерістерді танып білуіне ықпал ету.
Травматология-ортопедия кафедрасының 3 курс резиденттері «Жамбас және тізе буындарының жалпы эндопротездеуі» және «Физикалық медицина және оңалту» мамандығының 1 курс резиденттері арасында «Эндопротездеуден кейінгі жамбас және тізе буындарының оңалтуы» тақырыптары бойынша баяндамалар қорғалып, өзара тәжірибе алмастық. Баяндама барысында оңалтудың этаптық емдері, қарсы көрсеткіштері, асқынулары, қазіргі заманғы инновациялық технологиялар туралы ақпарттармен алмасып, видеоматериалдармен толықтырылды.
ШҚО және аймақ бойынша эндопротездеуден кейінгі науқастарға уақытылы толыққанды оңалтудың жүргізбеу себебінен асқынулардың көбеюіне байланысты пікірталас туындады, сабақ барысында әртүрлі қызықты сұрақтар талқыланып, жоғары деңгейде сұрақтарға жауап беріліп, өзекті мәселелер туындап шешімін тапты.
Интеграциялық сабақты қорытындылау үшін окытушыларымыз м.ғ.к. жоғарғы санатты педиатр, неонатолог-невропатолог, реабилитолог дәрігері Алимбаева Алия Рахметтулақызына және «Травматология және ортопедия» кафедрасының меңгерушісі Тлемисов Айдос Советханұлына сөз берілді.
Қазіргі таңда Қазақстан бойынша оңалтудың бірінші, екінші этаптық емі даму үстінде, оңалтудың емдеу протоколдары әлі күнге дейін толық қамтылмаған. Сол себепті болашақ реабилитолог мамандардың басқа да мамандармен бірлесіп нәтижелі жұмыс атқаруы, науқастардың аяққа тік тұруына және өмір сапасын жақсартуына оң септігін тигізеді. Біз реабилитолог мамандары ретінде өз үлесімізді қосамыз деген ойдамыз.
Физикалық медицина және реабилитация мамандығының резиденті Жүрсінбек Айгерім Еркебұланқызы[vc_row dt_title=”” mode=”grid” responsiveness=”browser_width_based” bwb_columns=”desktop:1|h_tablet:1|v_tablet:1|phone:1″ pwb_column_min_width=”” pwb_columns=”” gap_between_posts=”5px” loading_effect=”fade_in” image_sizing=”proportional” resized_image_dimensions=”1×1″ image_border_radius=”0px” image_decoration=”none” shadow_h_length=”0px” shadow_v_length=”4px” shadow_blur_radius=”12px” shadow_spread=”3px” shadow_color=”rgba(0,0,0,0.25)” image_scale_animation_on_hover=”disabled” image_hover_bg_color=”default” custom_rollover_bg_color=”rgba(0,0,0,0.5)” custom_rollover_bg_gradient=”45deg|rgba(12,239,154,0.8) 0%|rgba(0,108,220,0.8) 50%|rgba(184,38,220,0.8) 100%” hover_animation=”fade” show_zoom=”y” gallery_image_zoom_icon=”icomoon-the7-font-the7-zoom-06″ project_icon_size=”32px” project_icon_color=”#ffffff” project_icon_bg_size=”44px” project_icon_bg=”n” project_icon_bg_color=”rgba(255,255,255,0.3)” project_icon_border_radius=”100px” project_icon_border_width=”0px” project_icon_border_color=”” loading_mode=”disabled” jsp_posts_per_page=”” jsp_show_all_pages=”n” jsp_gap_before_pagination=”” jsm_posts_per_page=”” jsm_gap_before_pagination=”” jsl_posts_per_page=”” navigation_font_color=”” navigation_accent_color=”” include=”” dt_project_icon_title=”” css_dt_gallery=””][vc_column]
