2021 жылдың 6 ақпанында “FAMS” студенттік жастар клубы м.ғ.к., А. А. Қозбағаров атындағы перинатология кафедрасының меңгерушісі Манабаева Гүлшат Қабдрахманқызының қатысуымен «Гинекологиядағы шұғыл жағдайлар» тақырыбында дәріс ұйымдастырды. Аталған мастер-класста ұйым мүшелеріне клиникалық ойлау негіздері және анамнез жинау, пациентті тексеру, диагностикалық процедуралар және диагноздың дифференциалды диагностикасы сияқты дағдылар көрсетілді.
ZOOM платформасында өткен іс-шараға 68 студент қатысты. Жоғары және кіші курстардың білім алушылары осы тақырып төңірегінде көптеген сұрақтар қойып, шеберлік сабағына белсенді қатысты. Қатысушылар ризашылығын білдіріп, жағымды кері байланыс қалдырды.
