Соматикалық аурулары бар балаларға реабилитациялық көмек

Соматикалық аурулары бар балаларға реабилитациялық көмек

2021 жылғы 28-29 қаңтар күндері күндері СМУ университеттік госпиталі базасында теңдік оқу жүйесі бойынша м.ғ.к. доцент А.Р. Алимбаеваның жетекшілігімен және «Физикалық медицина және оңалту» мамандығының резиденттері мен 7 курс интерндері арасында электив ретінде таңдаған пән «Соматикалық аурулары бар балаларға реабилитациялық көмек» бойынша сабақ өткізілді.

Елімізде қазіргі таңда оңалту бағыты өте сұранысқа ие мамандықтардың бірі. Соған байланысты біліктілігі жоғары, заман талаптарына сай, кәсіби реабилитолог мамандарын даярлау кафедрамыздың негізгі мақсаттарының бірі болып табылады.

Сабақтың мақсаты – реабилитация мамандығын электив ретінде таңдаған пәні арқылы оңалтудың рөлін, маңыздылығын және физиотерапияда кеңінен қолданылатын аппараттармен таныстырып, оқытып, үйрету.

Сабақ барысында оңалтуға кіріспе, оңалтудың кезеңдік емдері, құжатнамалар, шкалаларға тоқталудан бастап балаларда кездесетін соматикалық аурулардағы оңалтуға назар аударылды. Сонымен қатар жалпы оңалтудың көрсеткіштері, оңалту диагнозы, оңалтудың мақсаты, оның міндеттері, оңалтуда жүргізілетін емдік шаралар, оның ішінде физиотерапияда қолданылатын аппараттардың көрсеткіштерімен қарсы көрсеткіштері, қолданылуы туралы интерндерге толыққанды ақпарат ұсынылды. Сабақ барысында қызықты сұрақтар қойылып, кең көлемде талқыланды. Сабақ студенттердің оқуға деген ынтасын, қызығушылығын арттырып, жоғарғы деңгейде өтті. Өткізілген электив болашақ резидентура талапкерлерлеріне, өз бағыттарын таңдауға септігін тигізді. Резиденттер қазірдің өзінде, кәсіби тұрғыда маман ретінде өздері оқып жүрген оқу әдістемелерімен бөлісіп оқытуда.

Физикалық медицина және оңалту мамандығының резиденттері А.Е. Еркінова, А.Е. Жүрсінбек, А.А. Қайроллаева

Жарияланды:
Рубрикалар: Оқушылар