Семей медицина университетінің оқытушылары – балалар аурулары пропедевтикасы кафедрасының меңгерушісі, м.ғ.к. Б.Ж. Токтабаева және дербестендірілген медицина кафедрасының оқу ісінің меңгерушісі, м.ғ.к. Р.И. Фаизова. 2021 жылдың 1-13 ақпан аралығында Үржар орталық аудандық ауруханасы базасында «БМСК деңгейінде жүкті әйелдер мен ерте жастағы балаларға патронаждық қызмет көрсетудің әмбебап прогрессивті моделі» атты семинар-тренингін өткізді. Семинар тыңдаушылары ретінде жалпы тәжірибелік дәрігерлер, педиатрлар, психологтар, әлеуметтік қызметкерлер және патронаждық мейірбикелер болды. Cеминар барысында аталған әмбебап прогрессивті модельдің негізгі мақсаты – ата-анасының әл-ауқаты мен баланың жақын ортасының тұрақтылығы мен қауіпсіздігін қамтамасыз ете отырып, ерте жастағы балалардың денсаулығы мен әл-ауқатын нығайту екендігі түсіндірілді. Осы мақсаттағы бағдарлама 2015 жылдан бастап республикалық жол картасы аясында жүзеге асырылып келеді екен. Осы семинарда патронаждық қызмет көрсетудің әмбебап прогрессивті моделін енгізу жолдары мен ерекшеліктері, жалпы болашақтағы маңыздылығы жөнінде кең көлемде түсіндіріліп, семинар қатысушылары кәсіптік тұрғыдан өзекті ақпаратпен танысып, білімдерін жетілдірді.
