СМУ түлектерді жұмысқа орналастыру және Medical Foundation бөлімі Өскемен қаласының «Ustudy» білім беру орталығымен бірлесіп, 22 ақпан күні білім беру орталығының оқушыларына ашық есік күнін ұйымдастырды.
Жоғары сынып оқушылары анатомиялық мұражаймен танысу мүмкіндігіне ие болды. Онда профессор Н.А. Хлопов атындағы топографиялық және клиникалық анатомия кафедрасының меңгерушісі А.К. Букатов мұражайда ұсынылған экспозициялар туралы айтып, 3D үстелдің сабақ барысында қалай қолданылатынын көрсетті.
Сондай-ақ, оқушылар симуляциялық технологиялар кафедрасында болды, онда студенттер тренажерлармен және робот-симуляторлармен, манекен-имитаторлармен, электрондық фантомдармен, модель-муляждармен және басқа да интерактивті компьютерленген жабдықпен практикада өз дағдыларын пысықтауға мүмкіндік алды.
Кітапхана қызметкері Р.С. Усербаева балаларды университет тарихы мұражайымен таныстырды, онда университеттің дамуына өз үлесін қосқан көрнекті түлектер мен оқытушылар туралы айтылды.
Экскурсиядан кейін білім беру орталығының оқушылары мен орталықтың өкілдеріне қабылдау ережелері және Семей медицина университетіне түсу критерийлері туралы жадынамалар таратылды.
