1 курс студенттерімен кездесу өтті

1 курс студенттерімен кездесу өтті

2021 жылдың 26 ақпанында жастар саясаты және сыртқы байланыстар департаментінің қызметкерлері барлық мамандықтардың 1 курс студенттерімен тәрбиелік кездесу өткізді. Студенттерді СМУ білім алушыларының Этика кодексімен, ішкі тәртіп ережелерімен және студенттер үйлерінде тұру ережелерімен таныстырды. СМУ барлық білім алушылары басшылыққа алатын негізгі құндылықтардың, қағидаттар мен ережелердің маңыздылығы мен міндетті түрде орындалуы туралы еске салды.

Университетте күндізгі оқу басталғаннан бері болған оқиғалар қарастырылды, сондай-ақ басқа студенттерге университеттің ішкі нормативтік-құқықтық актілерінің бұзылуына әкелетін көрнекі мысал ретінде кінәлі студенттердің жазалау шаралары туралы айтылды.

Сондай-ақ, департамент қызметкерлері студенттерге көктайғақ кезінде қала көшелерінде абай болуға, Жол қозғалысы ережелерін сақтауға және қоғамдық көлікті пайдалану кезінде жеке заттарға мұқият болуға шақырды.

Жарияланды:
Рубрикалар: Оқушылар