БМСКО жағдайында артериалды гипертензиямен сырқаттанатын науқастардың өмір сапасын жақсарту

БМСКО жағдайында артериалды гипертензиямен сырқаттанатын науқастардың өмір сапасын жақсарту

КеАҚ «СМУ» дербестелген медицина кафедрасында м.ғ.д., профессор А.А. Дюсупова жетекшілігімен превентивті медицина мектебі жұмыс жасайды. Оның мақсаты – емхана деңгейінде науқастарға түсінікті тілде әртүрлі ауруларға қатысты дәрістер оқып, ағарту іс-шараларын жүргізу. Бұл науқастардың ем нәтижелерін жақсартып, асқынулардың алдын алуға жәрдемдеседі.

Превентивті медицина мектебінің кезекті отырысы 2021 жылғы 3 наурыз күні Семей қаласының №1 БМСКО жағдайында артериалды гипертензиямен сырқаттанатын науқастардың өмір сүру сапасын жақсартуға арналған профилактикалық медицина мектебі жүргізілді. Бұл шара гипертензиямен диспансерлік есепте тұратын науқастар арасында өткізілді. Отырыс кезінде артериалды гипертензия асқынуларының алдын алу, өмір сапасын жақсарту, салауатты өмір салтын сақтау, артериалды гипертензия кезінде өзін-өзі бақылау, күнделік жүргізу жайлы ақпарат берілді. Сонымен қатар диетатерапия және фармакотерапия дұрыс қолдану маңызы жайында сөз қозғалды. Артериальды криз кезінде қандай іс-әрекет жасау керек, қандай препараттар қабылдау керектігі айтылды.

Превентивті медицина мектебін ұйымдастыруға дербестелген медицина кафедрасының ассистенті Д.А. Жексенаева жетекшілігімен 729 топтың жалпы тәжірибелік дәрігер интерндері А. Болатұлы, А. Карпикова, М. Дусупова, Ә. Тұрашева, С. Бегелдинов, Ж. Байдәулетова белсене ат салысты.

Жарияланды: