Ұлыстың ұлы күні қарсаңында 2021 жылдың 19 жұлдызында оқытушымыз Алимбаева Алия Рахметтулақызының жетекшілігімен «Физикалық медицина және реабилитация» мамандығының 1 курс резидентттерінің қатысуымен «Тоқтамыс» балалар оңалту орталығында «Рухани жаңғыру» бағдарламасы аясында «Ұлттық салт-дәстүр – халқымыздың рухани өзегі» тақырыбында мерекелік іс-шара өткізілді.
Мерекелік іс-шараның мақсаты – қазақтың салт дәстүрлерін жаңғырту, әдет-ғұрыптарының тәрбиелік мәнін ұғындыру, адамгершілік қасиеттерін қалыптастыру, халық өнегесін үйрету.
Мерекелік іс-шара барысында қазақ халқының ұлттық салт дәстүрлері жайлы айтылып, оның ішінде тұсау кесер, қоржын ашу рәсімдері өткізілді. «Тоқтамыс» балаларды оңалту орталығында резиденттердің өздері қарап, емін жургізіп жүрген балаларына тұсау кесу рәсімін өткізіп, енді ғана тәй-тәй басқан балалармен ата-аналарға жақсы көңіл күй сыйлай білді. Резиденттер емге мұқтаж болып келген балалардың жүруіне үлкен үлес қосқандарына дән риза, әрі қарай ынта жігермен жұмыс атқаруда, біз өз мамандығызды мақтан етеміз!
«Мәңгілік Ел» болып қалу үшін ұлттық құндылықтарымызды сақтап, қорғай білуіміз керек. Себебі ұлттық құндылық – ұлттың тірегі. Ұлттық салт-дәстүрімізді, әдет-ғұрыптарымызды ұмытпайық!
Физикалық медицина және реабилитация мамандығының резиденттері
Анар Еркінова, Айгерім Жүрсінбек
