Қамқорлық жасау – қайырымды қоғамның қағидасы!

Қамқорлық жасау – қайырымды қоғамның қағидасы!

Елбасымыздың рухани жаңғыру бағдарламасы аясында қасиетті Рамазан айы қарсаңында 2021 жылдың 11 жұлдызында оқытушымыз Алимбаева Алия Рахметтулақызының жетекшілігімен физикалық медицина және реабилитация мамандығының 1 курс резидентттерінің және 626 топ интерндерінің ұйымдастыруымен «Тоқтамыс» балалар оңалту орталығында «Қамқорлық жасау-қайырымды қоғамның қағидасы» атты қайырымдылық іс-шара өтті. Қайырымдылық іс-шараның мақсаты: Қоғамда , өскелең ұрпақ арасында мейірімділік, қамқорлық сезімін қалыптастырып, достық пен бірлікті нығайту. Қайырымдылық іс-шара барысында балаларды қоғамға кіріктіру мақсатында балалардың жан-дүниесін қуанта отырып және өзара тіл табыса отырып, сыйлықтар табысталды. Іс-шара барысында «Тоқтамыс» ұжымы өз қолдауларын көрсетіп, бір кісідей ат салысты. Балалардың көңіл-күйлері көтеріліп, ата-аналары өз ризашылықтарын білдірді.
Жақсылық жасау – имандылықтың, тәрбиеліліктің, парасаттылықтың айқын көрінісі. Ертеңге талпыныс, болашаққа бағдар, игі іске ұмтылыс – адамзатқа тән құбылыс.
Адам өміріндегі ең игі істерінің бірі-мұқтаж жандарға қамқорлық жасау. Қамқорлықты қажет ететін жандарға қол ұшын беру арқылы рухани азық алдық деп ойлаймыз. Біз дәрігер мамандары болғандықтан көмек көрсету біздің борышымыз деп білеміз.
Бізге әрқашан бағыт-бағдар беріп, қолдау көрсетіп жүрген жетекшіміз Алимбаева Алия Рахметтулақызына өз ризашылығымызды білдіреміз.

Физикалық медицина және реабилитация мамандығының резиденттері

Жүрсінбек А.Е.
Еркінова А.Е.
Қайроллаева А.А.

Жарияланды: