21.02.2020 ж. КеАҚ «Семей Медицина Университетінің» ішіндегі «Кемел» студенттер театрының ұйымдастыруымен «2-балалар үйі» атты спектакль қойылды. Премьераны тамашалауға «Психиатрия» кафедрасының ассистенті Алтыбаева Гульжан Калибековна өзінің кураторлық тобы 3102 бірге барып тамашалап кайтты. 3102 ЖМ кураторлық тобының студенті Айнабаев Елжан жетім бала ролін сомдады.Қойылым мазмұны : Балалық шағында ата-аналарының қамқорлығынсыз қалған тірі жетімдердің «Балалар үйіндегі» өмір сапасы жайлы мазмұндыда мағыналы қойылым қойылды. Спектакльге қатысқан студенттердің әрқайсысы өз сезімдерінің керемет үлгісін көрсетіп ,әрбір көрермен жүрегін қозғай білді. Спектакльден жиналған ақша «Жаңа жылда жаңа баспана» атты қайырымдылық қорына табысталды.Қайырымдылық – ізгіліктің көрінісі. Қайырымдылық жасау үшін асып-тасып бай болу керек емес. Ең бастысы мейірімді жүрегің мен таза ниетің болса жеткілікті. Кез келген қиын жағдайда адам баласы әр түрлі бағытта көмек қолын соза алады. Біреулер жаны жабырқау жүргендерді жұбата отырып күлкі сыйласа, екіншілері қиын сәтте қол ұшын беріп, көмек жасайды. Бүгінде сондай игі істер, түрлі акциялар мен жобаларды қолдап, қайырымдылықты өмірлік мақсат еткен жомарт жандардың саны жылдан-жылға артып келеді.Солардың бірі КеАҚ «Семей МедицинаУниверситетінің» ұжымы. Жақсылық жасау — имандылықтың, парасаттылықтың, тәрбиеліліктің айқын көрінісі. «Не берсең де балаға бер, бала үшін жаса» — деген халқымыздың игі дәстүрі қазіргі кезде қайырымдылық қоғамдарының іс-тәжірибелерімен жалғастырылып келеді. Осы қойылымнан студенттер тәрбиелік мәні зор үлкен әсер алып, рухани азық алып қайтты.
