Бүгінде жастарға патриоттық тәрбиені насихаттау, Отан алдындағы міндетін түсіндіру маңызды. Қазіргі кезде жастар арасында әскерге бару мәселесінің де өзекті екенін айта кету керек.
Осы орайда, «Семей Медицина университеті» коммерциялық емес акционерлік қоғамы әскери кафедрасының 2014 жылғы түлегі медицина қызметінің капитаны Сакибаев Дамир Рахметолдаевич әскери кафедра курсанттарымен кездесу өткізді.
Дамир қазіргі уақытта келісімшарт бойынша № 31767 әскери бөлімінің медициналық қызмет бастығы болып жұмыс атқарып жүр.
Ол курсанттарды қызықтырған сұрақтарға жауап беріп, әскери қызметтің артықшылықтары, әскери қызметшілердің мәртебесі туралы әнгімелеп берді.
Әскери қызметті өткеру барысы жайлы, сонымен бірге әскери звено мен госпитальды звенолардың айырмашылықтарын, сонымен бірге тұрғын үймен, ақшалай және заттық қамтамасыз ету мәселелеріне тоқталып өтті.
Жастардың жауынгерлік рухын оятатын айтулы жиын соңында Сакибаев Дамир жастарды Отан алдындағы қызметін абыроймен атқаруға шақырды.
Өте мәнді де, қызықты болып өткізілген кездесуге риза болған курсанттар, Дамир Рахметолдаевичке жылы лебіздерін білдірді.
Әскери кафедраның тәрбие жұмысына жауапты
м/қ подполковнигі Н.Смаилов
