2022 жылдың 15-ші сәуірінде, Нұр-Сұлтан қаласы Л.Гумилёв атындағы Еуразия ұлттық университетінде Қазақстан Республикасының білім және ғылым министрі Асхат Аймағамбетовтың қатысуымен ,«Тәрбиелі жас-парасатты» атты Республикалық форумы өтті. Аталмыш форумға Қазақстанның барлық жоғарғы оқу орындарының басшылары мен жастар саясаты бөлімдерінің мамандары қатысты. Күн тәртібінде жоғары оқу орындарындағы тәрбие жұмысы туралы мәселелері талқыланды. Жастар саясатына, студенттерге қатысты бірқатар мәселелер бой көтеріп, талқыға салынды. Оқу орын басшылары мен қызметкерлері өз жұмыстары туралы баяндамалар жасап, сауалнама арқылы пікір алмасты. Форумға қатысушылар тарапынан, Асхат Қанатұлына ұсыныстар жасалып, студенттерді қолдау мақсатындағы тың идеяларды жаңа жүйеге енгізу мүмкіндігіне ие болды. Жаңа жүйе негізі-тәрбие жұмысын қатаң түрде күшейту және қоғамдық өмірмен айналысатын студенттерге қолдау көрсету. Алдағы уақытта, жастар тәрбие ісі және қоғамдық жұмысы бойынша бірқатар жаңа өзгерістер енетін болады.
