2022 жылдың 15 сәуірінде «Семей медицина университетінде» Ахмет Байтұрсынұлының 150 жылдық мерейтойына орай «Абайтану» клубы студенттерінің және жетекшісі Ж.Қ.Жайрбаеваның ұйымдастыруымен қалалық деңгейде мектеп оқушылары арасында «Ұлт ұстазы Ахметке 150 жыл және Алаш зиялылары» атты көркем сөз оқулары байқауы өтті.
Байқаудың басты мақсаты Байтұрсынұлының 150 жылдық мерейтойын кеңінен насихаттау және Алаш зиялыларының шығармаларын дәріптеу. Жас жеткіншектерді патриотизмге баулу. Мектеп оқушыларына университетімізді басқа да қырынан таныстыру. Байқауға «Қоғамдық денсаулық сақтау, стоматология, фармация және мейіргер ісі мектебі» деканы
Д.К.Қожахметова, «Медицина мектебінің» әдіскері А.А.Альмисаева,
«Alikhan Bokeikhan University» гуманитарлық факультеті филология кафедрасының оқытушысы Қ.Қ.Тұрсынханова, «Абай» атындағы әмбебап облыстық кітапхана «Оқырмандарға қызмет көрсету» бөлімінің басшысы Ж.М.Чушекова, «Семей медицина университеті» кітапханасының «Оқырмандарға қызмет көрсету» бөлімінің Бас маманы А.С.Искакова төрелік етіп, әділ бағаларын берді. Қатысушылар алдымен М.Мәметова атындағы және анатомиялық музеймен танысып, экскурсия жасады. Байқауға қатысушы оқушылар Ахмет Байтұрсынұлының және Алаш зиялыларының шығармаларын жатқа оқып сынға түсті. Байқау қорытындысы бойынша І орынды «Ахмет Байтұрсынұлы атындағы №47 жалпы білім беретін орта мектебінің» 7-сынып оқушысы Қарақат Тоқтасын, ІІ орынды «Шәкәрім атындағы үш тілде оқытатын көпбейінді гимназияның» 5-сынып оқушысы Нариман Айтмұқаш пен «Ахмет Байтұрсынұлы атындағы №47 жалпы білім беретін орта мектебінің» 5-сынып оқушысы Мархабат Сайлаубекова, ІІІ орынды «Ахмет Байтұрсынұлы атындағы №47 жалпы білім беретін орта мектебінің» 7-сынып оқушылары Балауса Нұрғабыл, Толғанай Қоңыртаева, Аяжан Аманжоловалар иеленіп, диплом және естелік сыйлықтармен марапатталды. Байқау соңында клуб жетекшісі Ж.Қ.Жайрбаева сөз сөйлеп, қатысушылар мен жетекшілеріне алғыс білдірді.
