Қалыпты физиология кафедрасының оқытушысы куратор, А.А.Шакабаеваның бастауымен жалпы медицина мамандығының 2132 топ өзбек студенттері 1 мамыр – Қазақстан халықтарының бірлігі күніне орай 28-ші сәуірінде Өлкетану мұражайына барып қайтты. Қазақстандағы көне музейлердің бірі – Семейдің облыстық тарихи-өлкетану музейі 1883 жылы саяси жер аударылған орыс демократтары Е.П. Михаэлис, М.И. Долгополов, П. Д. Лобановский және қазақ халқының ұлы ақыны Абай Құнанбаевтың бастамасымен құрылған болатын.
Қазіргі күні музей қорында 108 мыңнан артық жәдігер сақтаулы. Жаңартылған экспозициялар музейдің алты залында: «Палеонтология және геология», «Туған өлкенің табиғаты», «Археология және этнография», «Қала және өлкенің тарихы», «Алаш қозғалысы және Алаш қаласы туралы», «Семей ядролық полигоны», «Семей тәуелсіздік жылдарында» атты бөлімдерде орналасқан. Музейдің көрме залында тақырыптық көрмелер ұйымдастырылып тұрады.
Осы бір сәтте ұйымдастырылған көрмені көруге барып,өз көзімізбен көне құнды ата-бабамыздан қалған дүниелерді тамсанып,әлі күнге дейін сақталып тұрғанына риза болып қайттық. Бұл мұражай құндылыққа толы,ұлтымыздың алтын қазынасы деп санаймыз.
