29- сәуір мен 6- мамыр аралығында М. Мәметова атындағы музейде студенттерге арналып, жастардың бойында әскери патриотизм және әскери борыш сезімдерін қалыптастыру мақсатында «Ұрпаққа ұран болған ұлы Жеңіс» атты ерлік сабақтары өткізілді.
Ұлы Отан соғысында ерен ерлік көрсеткен сарбаздар аз емес. Дүниені дүрбелеңге салған сұм соғыста 100-атқыштар бригадасы да жанқиярлық танытты.
Бұл бригаданың сарбаздары қатарында исі қазаққа аты мәлім қайсар пулеметші Мәншүк Мәметова, жауынгер-жазушы Әзілхан Нұршайықов, оқу-ағарту саласына өмірін арнаған Асқар Закарин, полковник Әбілқайыр Баймолдин, журналист-жазушы Қасым Шәріпов, саяси жетекші Қасым Болтаев сияқты боздақтар болған.
29- сәуірде Медициналық білім беру кафедрасының оқытушысы Ван Ольга Төлеубекқызы 1120 кураторлық тобымен, студенттердің бойында азаматтық-патриоттық сезімді, Отанына деген адалдық және батыр ұлдарынның ерлігіне құрмет сезімін қалыптастыру мақсатында «НЕВЕЛЬ ҚАҺАРМАНДАРЫ» атты ақпарат сағатына қатысты. Шара барысында қатысушыларға Қазақстанда жасақталған 100- дербес атқыштар бригадасының тарихы және құрамы туралы ақпарат беріліп, тарихи деректермен таныстырылды.
3- мамыр күні Әскери кафедрасымен бірлесе «Ұрппаққа ұран болған ұлы Жеңіс» атты ерлік сабағы өтті. Жеңіс туын желбіретуде қан кешіп, кеудесін оққа тосқан боздақтарымыздың ерлігі туралы өткен шарада, студенттер назарына «Ешкім де ешқашанда ұмытылмайды» атты деректі бейне материал көрсетіліп, көпшілікке беймәлім болып келген тың материалдар слайд көрсетілімдері арқылы ұсынылды. Әскери кафедраның меңгерушісі, полковник Орынбасаров Шынғыс Оразмұхаметұлы қатысушыларды Ұлы Отан соғысы кезіндегі ерліктің өшпес рухы туралы ақпаратпен таныстырса, медицина қызметінің подполковнигі Смаилов Нурбек Саденұлы мен аға оқытушы, әскери кафедра жетекшісінің орынбасары Мамыканов Ринат Толеутайұлы
болашақта бейбіт өмір кепілі- татулықта екеніне баса тоқталды. Батырлар рухына арнап, әскери кафедра курсанттары: Бекмұханбет Мөлдір, Мамырханов Ернұр, Имандосов Ануар, Бақтыбаева Әсия, Бағдатова Жаннұр, Асқаров Ерсағын, Абдрахманов Айдар отты жылдарда туған туындылардан үзінділер оқыды.
4- мамыр күні Жалпы білім беретін кафедрасының аға оқытушысы Кадирсизова Шынар Болатбекқызымен бірлесе 1307 топ студенттеріне «Жеңіс туын желбіреткен жауынгер» атты танымдық сағатын өткізді. Музей жәдігерлерімен танысуда студенттер батырлардың жеке заттарымен, құжаттарымен танысты, музей экспонаттары студенттер бойында үлкен қызығушылық туғызды.
Баян Асқарқызының 1308- кураторлық тобына мамыр айының бесі күні Кеңес Одағының Батыры Мәншүк Мәметова туралы «От кешкен тағдыр» атты шолу экскурсиясы өтті. Жас қазақстандық қыздың ерлігі студенттерге үлкен әсер қалдырды.
Мамыр айының алтысы күні музей қызметкері Искакова А.С. «Семей» телеарнасының «Сәлем, Семей» бағдарламасында қонақта болып, көрермендерге М.Мәметова атындағы музейдің тарихы мен атқарылып жатқан жұмыстары туралы ақпарат берді.
