2022 жыл 17 мамыр күні ҚР ҰҒА академигі Т.Қ Раисов атындағы молекулалық биология және медициналық генетика кафедрасында, 2022 жылы 5 маусым күні өтетін Республикалық референдуммен танысу отырысы өтті.
Кафедра меңгерушісі Оразалина Айнаш Сапарқызы сөз сөйлеп, кафедра оқытушылары мен лаборантты Қазақстан Республикасы Президентінің 2022 жылғы 5 мамырдағы Жарлығымен, “Қазақстан Республикасының Конституциясына өзгерістер мен толықтырулар енгізу туралы” заң жобасымен, Республикалық референдумның негізгі тармақтарымен және маңыздылығымен таныстырды.
ҚР Президенті Қасым-Жомарт Тоқаев таяудағы халыққа Жолдауында Конституцияға өзгерістер мен толықтырулар енгізу мәселелері бойынша өзінің бейне үндеуінде саяси жаңғыртудың ауқымды бағдарламасын ұсынғаны белгілі. Ол қоғамда, бұқаралық ақпарат құралдарында жан-жақты талқыланды. “Біз жаңа мемлекеттік модельге, мемлекет пен қоғамның өзара іс-қимылының жаңа форматына көшудеміз. Бұл сапалы ауысуды екінші Республика деп атауға болады. Жұмыс тобы Негізгі Заңның 33-бабына түзетулер дайындады, ал бұл бүкіл Конституцияның үштен бірі. Аталған өзгерістерді енгізу туралы заң жобасы Конституциялық кеңеске берілді, ол жуық арада өз үкімін шығарады. Республикалық референдум-Конституцияның, конституциялық заңдардың, заңдардың және Қазақстан Республикасы Мемлекеттік өмірінің өзге де аса маңызды мәселелері жөніндегі шешімдердің жобалары бойынша бүкілхалықтық дауыс беру”, – деді Қ.Тоқаев.
Кафедра оқытушылары ҚР Конституциясына енгізілген түзетулермен және өзгерістермен танысып, пікір алмасты. Оқытушылар сондай-ақ бүкілхалықтық дауыс беру арқылы Конституцияны өзгерту халықтың ерік білдіруінің жарқын көрінісі болатынын атап өтті. Референдум әрбір азаматқа ел тағдырын шешуге тікелей қатысуға мүмкіндік беріп, жан-жақты демократияландыру мен “жаңа Қазақстанды” құру жөніндегі бағытымызды нығайтады. Референдумды бірауыздан қолдады.[vc_row dt_title=”” mode=”grid” responsiveness=”browser_width_based” bwb_columns=”desktop:3|h_tablet:2|v_tablet:2|phone:1″ pwb_column_min_width=”” pwb_columns=”” gap_between_posts=”5px” loading_effect=”fade_in” image_sizing=”resize” resized_image_dimensions=”3×2″ image_border_radius=”0px” image_decoration=”none” shadow_h_length=”0px” shadow_v_length=”4px” shadow_blur_radius=”12px” shadow_spread=”3px” shadow_color=”rgba(0,0,0,0.25)” image_scale_animation_on_hover=”slow_scale” image_hover_bg_color=”default” custom_rollover_bg_color=”rgba(0,0,0,0.5)” custom_rollover_bg_gradient=”45deg|rgba(12,239,154,0.8) 0%|rgba(0,108,220,0.8) 50%|rgba(184,38,220,0.8) 100%” hover_animation=”fade” show_zoom=”y” gallery_image_zoom_icon=”icomoon-the7-font-the7-zoom-06″ project_icon_size=”32px” project_icon_color=”#ffffff” project_icon_bg_size=”44px” project_icon_bg=”n” project_icon_bg_color=”rgba(255,255,255,0.3)” project_icon_border_radius=”100px” project_icon_border_width=”0px” project_icon_border_color=”” loading_mode=”disabled” jsp_posts_per_page=”” jsp_show_all_pages=”n” jsp_gap_before_pagination=”” jsm_posts_per_page=”” jsm_gap_before_pagination=”” jsl_posts_per_page=”” navigation_font_color=”” navigation_accent_color=”” include=”” dt_project_icon_title=”” css_dt_gallery=””][vc_column]
