Клиникалық ортаға ғылыми дәлелдемелерді енгізу атты онлайн – семинар

Клиникалық ортаға ғылыми дәлелдемелерді енгізу атты онлайн – семинар

2022 жылдың 20 – 24 мамыр аралығында «Мейіргер ісі» кафедрасының ассистенттері, PhD – Шарапиева А.М. және медицина ғылымдарының магистрі Жетмекова Ж.Т. «Клиникалық ортаға ғылыми дәлелдемелерді енгізу» атты ZOOM платформасы арқылы онлайн – семинар өткізді.
Семинардың мақсаты-Қазақстанда мейіргер ісінің ғылыми негізделген практикасын енгізу мақсатында мейіргер ісінің білімі, зерттеулері мен практикасы арасындағы ынтымақтастық пен білім алмасуды қолдау болып табылады.
Семинардың тыңдаушылары мен қатысушылары – тәжірибелік – медбикелер, Денсаулық сақтау саясатын анықтайтын адамдар, ұлттық Мейірбике ісі қауымдастықтары, медициналық мекемелердің басшылары, мейірбике ісін зерттеушілер, мейірбике ісінің оқытушылары, медициналық колледждер мен медициналық университеттер болып табылды.
Мастер-класс соңында қатысушылар:
● Мейірбикелік практиканың негізгі қағидаларын, этикасын, әдістерін және процесін меңгеруді;
● Пациенттерге күтім жасау үшін ғылыми негізделген материалды іздеуді, бағалауды және талдауды, жаңа шешімдерді табу үшін проблемаларды шешуге шығармашылық көзқарас танытуды;
● Бағалау критерийлері мен халықаралық және Ұлттық клиникалық нұсқаулықтардың артықшылықтарын, сондай-ақ мейірбике ісінің озық тәжірибесінің мысалдарын түсіне алуды меңгере алды.
Мастер – класс соңында тыңдаушылар мен қатысушылардан кері байланыс алынып, талқыланды.