1997 жылдан бастап «31 мамыр – саяси қуғын-сүргін құрбандарын еске алу күні» болып ресми бекітілген болатын.
1937-1939 жылдар аралығында қазақтың бас көтерер зиялы қауымының көпшілігі қуғын-сүргін құрбанына айналды. Жұбан Молдағалиев «Мен қазақпын» атты өлеңінде:
Мен – қазақпын мың өліп, мың тірілген,
Жөргегімде таныстым мұң тіліммен.
Жылағанда жүрегім күн тұтылып,
Қуанғанда күлкімнен түн түрілген
– деп жырлағандай, қазақтың басынан өтпеген зұлмат кемде-кем. Ол заманда солақай саясат шындығын айтуға болмайтын, ал қара халықтың тілек-мүддесі мүлде ескерілмейтін.
Сол солақай саясаттың кесірінен тек қазақтың ғана емес, одақтың құрамында болған қаншама зиялы өкілдері ату жазасына кесілді, олардың артында қалған ұл-қыздары аштықта өмір сүрді. Оларға шындықтан бас тартып, жазадан құтылып, жандарын аман алып қалуларына да болар еді, алайда келешек ұрпақтың қамы үшін өз өмірлерін сарп етті.
30 мамыр күні Қазақстанның қазіргі заман тарихы пәнінің оқытушысы Нұргүл Даирқызы Аманбекованың жетекшілігімен жалпы медицина мамандығының 1103 тобында кураторлық сабақ өткізілді. 31 мамыр азалы күн, қазақтың нар тұлғалы азаматтарынан айырылған қазалы күн. Кураторлық сабақ барысында біз репрессия құрбандарының әрқайсысының халыққа сіңірген еңбегін ғана емес, олардың адами болмысын да еске алып, сол кездегі соқыр саясаттың құрбаны болмағанда әлі де артынан талай істерді атқаратындығын сөз етті.
ЖМ 1103 топ студенті Ыбыраева Ақбөпе.
ЖББП кафедрасының оқытушысы
Аманбекова Н.Д.
