27 мамыр күні Жалпы білім беру пәндер кафедрасының ұйымдастыруымен қаламыздың білім саласы қызметкерлері мен профессорлық-оқытушылық құрамның қатысуымен алдағы уақытта өткізілетін референдумға байланысты дөңгелек үстел өткізілді.
Модератор – Жалпы білім беру пәндер кафедрасының меңгерушісі Жорокпаева Мейрамгүл Досанқызы Конституцияға енгізілетін негізгі өзгерістерге тоқталып, басымдықтарын атады.
Қазақстан президенті Қасым-Жомарт Тоқаев 5 мамырда Конституцияға өзгеріс енгізу туралы республикалық референдум өткізу жөніндегі жарлыққа қол қойып, референдум 5 маусымға белгіленген. Конституциялық реформа мемлекеттің барлық моделін кешенді түрде трансформациялауға бағытталған. Өзгерістер “суперпрезиденттік” басқару формасынан ықпалды парламент пен жауапты үкіметі бар президенттік республикаға өтуді көздейді.
Дөңгелек үстелге қатысушылар қатары: Семей қаласы әкімінің орынбасары, «AMANAT» партиясы Семей қалалық филиалы төрағасының бірінші орынбасары, ШҚО білім басқармасының «Семей қаласы бойынша білім бөлімі» мемлекеттік мекемесінің әдіскері, Семей қаласының жоғарғы оқу орындарының профессор, оқытушылары және т.б. атаулы мәселеге байланысты өз ойлары айтылып, көкейкесті сұрақтар бойынша пікір алмасты. Кездесу барысында қатысқандар алдағы референдум туралы және қоғам мен ел өміріне жан-жақты әсер ететін республикалық референдумға дауыс берудің маңыздылығы туралы пайдалы ақпарат алды.
Жалпы білім беру пәндер кафедрасы
