«Семей медицина университеті» КеАҚ-нда 30 маусымнан бастап ЖОО-ның биылғы ең басты оқиғасы – 2022 жылғы бакалавриат түлектеріне диплом табыстау басталды. Осы айтулы оқиғаның құрметіне университеттің акт залында салтанатты іс-шаралар өтуде!
Салтанатты іс-шаралардың бірінші күні 208 «Фармация», «Стоматология», «Қоғамдық денсаулық сақтау» және «Мейірбике ісі» бакалавриат мамандықтарының түлектері жоғары оқу орнын бітіргені туралы диплом алды, оның ішінде 9 түлек үздік дипломға ие болды!
Бірінші болып салтанатты іс-шараны аша отырып, түлектерді көптен күткен оқиғамен «СМУ» КеАҚ Басқарма Төрағасы – ректоры, м.ғ.д., профессор Алтай Дюсупов құттықтады.
«Құрметті түлектер, ата-аналар, әріптестер! Сіздерді осы айтулы күнмен құттықтаймын! Біздің түлектер үлкен оқиға – университеттің 70 жылдығы қарсаңында оқуын аяқтап, біздің Алма-матердың 30 мыңнан астам түлектерінің қатарына қосылғаны қуантады. Семей медициналық университетінің түлегі болу, сонымен қатар дәрігер болу – үлкен жауапкершілік. Біздің профессорлық-оқытушылық құрамның күш-жігерінің арқасында алған білімдеріңіздің баршаңыздың болашағы зор екеніне сенімдімін. Бірақ ұмытпаңыздар, медицина бір орында тұрмайды. Сондықтан осы жетістіктің кепілі – өз дағдыларыңызды үздіксіз дамыту және жетілдіру болып табылады. Біреулері – медициналық ұйымдарда дәрігер ретінде жұмыс істей бастайды, біреулері – магистратура мен докторантурада оқуын жалғастыра отырып, өзі үшін ғылыми қызметін таңдайды. Қай жолды таңдамасаңыздар да, сіздерге Алма-матерларыңыздың есігі әрқашан ашық болады, біз қолдау көрсетуге және көмектесуге бар күшімізді саламыз! Сіздерге үлкен жетістіктер тілейміз, құрметті түлектер”, – деді Алтай Ахметқалиұлы құттықтау сөзінде.
Сонымен қатар «СМУ» КеАҚ Басқарма төрағасының академиялық және тәрбие жұмысы жөніндегі орынбасары, м. ғ. к. Жанаргүл Смаилова дәрігер мамандығының маңыздылығын атап өтіп, түлектерге жылы лебіздерін білдірді.
Дәрігер – қоғамға қызмет етуге арнауға дайын адам. Ол әлемдегі ең маңызды – адам өмірі үшін жауапкершілікті өз мойнына алады. Дәрігер мамандығы – жер бетіндегі ең асыл, ізгілікті және қажетті мамандық. Семей медицина университеті – кадрлар ұстаханасы отандық денсаулық сақтау жүйесін жоғары білікті және бәсекеге қабілетті мамандармен қамтамасыз еткеніне шамамен 70 жыл болды. Бүгінгі күні тағы да 200-ден астам жас маман өздерінің тәлімгерлерімен бір қатарға тұру және адамдардың өмірі мен денсаулығын сақтауға өз үлесін қосу үшін туған Алма-матердың табалдырығын аттауда. Осы игі істе біз түлектерімізге үлкен жетістіктер тілейміз! Ақ жол, түлектер!
