«Семей медицина университеті» КеАҚ-да жоғары оқу орнының түлектеріне диплом тапсыру салтанатты рәсімі жалғасуда. Бүгінгі күні шетел бөлімінің бесінші курстарының 167 студенті «Жалпы медицина» мамандығы және білім беру бағдарламасы бойынша «Денсаулық сақтау бакалавры» дәрежесін беру туралы көптен күткен дипломдарға ие болды.
Бұл мереке күні түлектерді «Семей медицина университеті» КеАҚ Басқарма Төрағасы – Ректоры, м. ғ. д., профессор Алтай Дюсупов, TECAS компанияның директоры Гаврав Мир Муддасир, HBR жаһандық компанияның директоры Нитхарвал Викаш, Алимжан, сондай-ақ Басқарма Төрағасының оқу-тәрбие жұмысы жөніндегі орынбасары Жанаргүл Смайылова және шетелдік студенттермен жұмыс жөніндегі мектеп деканы Эльнара Эфендиева құттықтады.
Салтанатты рәсім барысында 5 жыл бойы жастар қозғалысын дамытуға қосқан жеке үлесі үшін және ЖОО-ның қоғамдық өмірінде өзін белсенді көрсеткен студенттерге университет атынан алғыс хаттар табыс етілді. Салтанатты рәсім дәстүр бойынша Университеттің салтанатты кіреберісіндегі түлектердің бірлескен фотосуретімен аяқталды.
