Әскери өмірмен танысу

Әскери өмірмен танысу

Еліміздің Президенті, Жоғарғы Бас Қолбасшы ретінде Қазақстан Республикасы, басқа да әскерлері мен әскери құралымдарының – еліміздің егемендігі мен тәуелсіздігін сақтаудағы, қоғамдық қауіпсіздігін қорғаудағы айрықша маңызын атап өтті.

Запастағы офицерлерді дайындау бағдарламасына сәйкес, әскери кафедра басшылығымен «Шығыс» өңірлік басқармасының 44736 әскери бөліміне «Семей медицина университеті» КеАҚ әскери кафедрасының оқу-әдістемелік жиындарынан өтуші курсанттардың барып, танысып қайтуы ұйымдастырылды.

Әскери бөлімінің командирі полковник А.Ш. Абикеновтың басшылығымен, әскери бөлімнің барлық жеке құрамының бірлесе қатысуымен, курсанттарға тәжірибе негізінде бөлімдегі басты жұмыс бағыттары, яғни, жауынгерлік қамтамасыз ету шаралары және бөлімнің әскери қызметшілерімен орындалатын міндеттері көрсетілді.

Солдаттардың тұрмыс-тіршілігімен, бөлімді медициналық қамтамасыз ету және медициналық орнымен таныстыру мақсатында, қазарманы аралау ұйымдастырылды, қару-жарақтың, әскери техниканың және атыс қаруының негізгі үлгілері көрсетілді.

Тарихымыз дәлелдегендей, еліміздің қорғаныс қабілеттілігі қай уақытта болмасын, замануи қаруланудан ғана емес, сонымен бірге, солдаттың жауынгерлік рухына да байланысты болған. Сондықтан да, әскери қызметшілердің патриоттық тәрбиесіне, әскери қызмет мәртебесін, заң үстемдігі әскерлерінің беделін арттыруға айрықша назар аударылады.

Аталған шараның ұйымдастырылуы әскери кафедра курсанттары үшін әскери қызмет дағдыларын қалыптастыруда, өзіндік көзқарастарын дамытуда танымды және пайдалы болды.

Оқу-жаттығу жиынының бастығы запастағы полковник Р. Мамыканов

Жарияланды: