Семей медицина университеті мен Қазан мемлекеттік медицина университеті (Ресей Федерациясы)– екіжақты әріптестіктің жаңа кезеңі

Семей медицина университеті мен Қазан мемлекеттік медицина университеті (Ресей Федерациясы)– екіжақты әріптестіктің жаңа кезеңі

8 қыркүйекте Семей медицина университеті мен Қазан мемлекеттік медицина университеті (Ресей Федерациясы) ЖОО арасындағы ынтымақтастықты дамыту бойынша онлайн режимде келіссөздер бастады. Кездесу татар ұлтының сабантой мерекесі қарсаңында өтті.

Кездесуге “СМУ” КеАҚ Басқарма Төрағасы – Ректор, м.ғ. д., профессор А.А.Дүсіпов Басқарма төрағасының академиялық және тәрбие жұмысы жөніндегі орынбасары Ж.Қ.Смаилова, Басқарма төрағасының ғылым және стратегиялық даму жөніндегі орынбасары Н.Б.Омаров, сондай-ақ Басқарма төрағасының клиника және дипломнан кейінгі білім беру жөніндегі орынбасары Д.Берікұлы қатысты.
Қазан ММУ тарапынан кездесуге ЖОО ректоры А.С. Созинов, бірінші проректор Л. М. Мухарямова, проректор Д. И. Абдулганиева, сондай-ақ халықаралық ынтымақтастық бөлімінің бастығы М. А. Мұхамедьяров қатысты.
Ең басым бағыттар ретінде медициналық білім, ғылым және клиника саласындағы ынтымақтастық анықталды. Мысалы, тараптар бірлескен білім беру бағдарламаларын әзірлеу, білім алушылардың екіжақты академиялық ұтқырлығын іске асыру, жастар саясаты мен волонтерлікті бірлесіп іске асыру мүмкіндіктерін талқылады.
Тараптар бірлескен ғылыми жобаларды іске асыру мүмкіндіктерін, докторанттардың екіжақты ғылыми тағылымдамаларын, ғылыми конференцияларға, семинарларға, көрмелерге қатысу және оларды ұйымдастыру, бірлескен клиникалық зерттеулер жүргізу мүмкіндіктерін де жоспарлау қажеттілігін қарастырды.
Университет клиникаларының ПОҚ мен дәрігерлерінің, резиденттердің екі жақты клиникалық тағылымдамалары, резидентура бағдарламаларын бірлесіп дамыту белгіленді. Әріптестер инновациялық технологиялардың екіжақты трансферті, университеттік клиникалардың госпитальдық менеджментін бірлесіп дамыту мәселелерін талқылады.
“Семей медицина университеті” КеАҚ 70 жылға жуық елді білікті медицина кадрларымен қамтамасыз етіп, ғылыми және клиникалық инновациялардың орталығы бола отырып, Қазақстан жоғары оқу орындарының ұлттық рейтингісінің жоғарғы қатарын үнемі алып келеді. Сондай-ақ Қазан медицина университеті Ұлттық біріктірілген рейтингке сәйкес 2021 жылы жоғары лауазымдарға ие болды және Ресей Федерациясының жоғары оқу орындарының премьер-лигасына кірді. Кездесуге қатысушылар атап өткендей, екіжақты стратегиялық ынтымақтастықты күшейту медициналық білім, ғылым мен клиниканы дамытуға жаңа серпін беруі мүмкін.

Жарияланды: