2022 жылдың 13-15 қыркүйегінде қоғамдық денсаулық сақтау, стоматология, фармация және мейіргер ісі мектебінің деканы
Ы.О. Қайырханова және декан орынбасарлары Ж.Р. Шуақбаева және Г.Т.Нұрмадиеваның қатысуымен «Қоғамдық денсаулық», «Стоматология», «Фармация» және «Мейіргер ісі» білім беру бағдарламаларының студенттерімен кездесу өтті. Кездесу барысында қаралған сұрақтар: университеттің әкімшілік құрамы, 2022-2023 оқу жылына арналған «Семей медицина университеті» КеАҚ нормативтік құжаттары. Сондай-ақ, студенттердің сабаққа қатысуы мен үлгеріміне қойылатын талаптар, емтихандарды өткізу ережелері қарастырылды.
Мектеп деканы мен декан орынбасарлары студенттерді академиялық саясат, пән саясатымен, студенттердің ішкі тәртіп ережелерімен, жатақханада тұру ережелерімен, студенттердің әдеп кодексімен таныстырды.
Мектеп деканы емтиханды ұйымдастыру және өткізудің негізгі тұстары туралы, қалыптастырушы және жиынтық бақылауды ұйымдастыру ережелері мен тәртібі туралы айтты.
Кездесу барысында студенттер өздерін толғандырған сауалдарын қойып, оларға жауаптар алды.
