Абай облысы бойынша Сот сараптама институтының «ҚР ӘМ сот-сараптау орталығы» РМКҚ филиал басшылығымен кездесу

Абай облысы бойынша Сот сараптама институтының «ҚР ӘМ сот-сараптау орталығы» РМКҚ филиал басшылығымен кездесу

2022 жылдың 22 қыркүйегінде «СМУ» КЕАҚ-да ЖТД 7 курс интерндері және «фармация» факультетінің 5 курс студенттеріне Абай облысы бойынша сот сараптама институтының «ҚР ӘМ Сот-сараптау орталығы» РМКҚ филиалы басшылығымен кездесу ұйымдастырылды. Кездесуді цифрлық және PR-технологиялар бөлімінің техникалық қолдауымен Жоғары оқу орнынан кейінгі білім беру мектебі, Қоғамдық денсаулық сақтау, стоматология, фармация және мейірбике ісі мектебі ұйымдастырды.

Кездесуде Закиров С. А. – Абай ауданы бойынша сот сараптамалары институтының директоры м. а., Райымбекова Г. К. – Химия-токсикологиялық сараптама бөлімінің меңгерушісі, Иманғалиева А. А. – Абай ауданы бойынша сот сараптамалары институтының кадр жұмысы жөніндегі бас инспекторы сөз сөйледі. Олар студенттерге сот сарапшысы жұмысының ерекшеліктері мен химиялық-токсикологиялық зертханадағы жұмысы, «Сот-медициналық сараптама» мамандығы бойынша резидентурада оқытудың келешегі туралы айтып берді. Студенттер филиал басшылығына өздерін қызықтырған сұрақтарын қойып, сұрақтарына жан-жақты жауаптар алды.

Кездесуді ұйымдастырудың мақсаты – «СМУ» КеАҚ түлектері үшін жұмыс орындарының қолжетімділігін кеңейту, жас мамандарды тарту арқылы жұмыс берушілер үшін жұмысқа қабылдау процесін жеңілдету, олардың жұмысқа орналасуына жәрдемдесу болды.

Қазақстан Республикасының «Халық денсаулығы және денсаулық сақтау жүйесі туралы» Кодексінің 63 бабына сәйкес сот-медициналық сарапшылар денсаулық сақтау субъектілері болып табылады және мемлекеттік сектордың денсаулық сақтау жүйесінің бөлігі болып табылады. Қазіргі таңда сот-сараптама жүйесіндегі елеулі мәселе – сот сарапшылары қатарындағы, әсіресе аудандық бөлімшелердегі кадрлардың тапшылығы.

Мұндай іс-шараларға қатысудың өз мансап жолын бастаған жас ұрпақ үшін өзіндік мәні бар, өйткені ол қызметтің ең қызықты бағыттарын және олардың қызметкер ретіндегі «бағасын» анықтауға көмектеседі.

Жастар үшін бұл еңбек нарығын зерттеуге және жұмыс берушілермен тікелей байланысуға тамаша мүмкіндік болды.

Жоғары білім беру мектебі
Қоғамдық денсаулық сақтау, стоматология, фармация және мейірбике ісі мектебі