“Семей медицина университеті” КеАҚ жақын және алыс шетелдердің жоғары оқу орындары, ғылыми және емдеу мекемелерімен әріптестік байланыста. Сонымен қатар шетелдік мамандарды тарту шеңберінде белсенді жұмыстар жүргізуде.

2022 жылдың 26 қыркүйегінен 2 қазан айына дейін Семей медицина университетіне шетелдік келуші профессор ретінде Шарите медицина университетінің трансляциялық физиология институтының ғылыми тобының жетекшісі, доцент Керім Мутиг шақырылды. Келуші профессор кафедраның профессорлық-оқытушылық құрамы, УГ дәрігерлері және студенттер үшін “Бүйректің молекулалық физиологиясы: қан қысымы, электролиттік гомеостаз және қышқыл-негіз жағдайы” тақырыбында шеберлік сыныбын өткізеді.

Шеберлік сыныбына қатысуға ниет білдіргендердің барлығы 2022 жылдың 26 қыркүйек – 2 қазан аралығында күнделікті бас ғимараттың үлкен конференц-залына шақырылады.