Д.М. Түсіпова атындағы педиатрия және медициналық оңалту кафедрасында 2022 жылдың 05 қыркүйегінде Қ.Қ. Тоқаев мемлекет басшысының Қазақстан халқына Жолдауын талқылауы өтті «Әділ мемлекет. Біріккен ұлт. Өркендеген қоғам», Елбасы Парламенттің кезекті отырысында сөз сөйлеген. Шараны 2 курстың резидент-педиатрлары Еролинова А., Садыкова Т. (тәлімгері – Иманмадиева Д.М.) ұйымдастырды. Құжатты талқылауға Семей және Өскемен қалаларындағы кафедраның әртүрлі клиникалық базаларында оқу өтіп жатқан 1 және 2 жылдық офлайн + онлайн резиденттері қатысты.
Талқыға түскен басты тақырып Елбасының бастамасымен қолға алынған бағдарламалар мен мемлекетті одан әрі жаңғыртудың жаңа міндеттері болды. Қасым – Жомарт Тоқаев өз Жолдауында реформаның нақты бағыттарын атап көрсетті:
- Бірінші. Жаңа экономикалық саясат
- Екінші. Нақты секторды дамыту
- Үшінші. Ел болашағына стратегиялық инвестиция
- Төртінші. Мемлекеттік басқаруды қайта жүктеу
- Бесінші. Заң және тәртіп
Баяндамашылар Жолдаудың денсаулық сақтау және білім беру салаларындағы жоспарлы өзгерістерді Мемлекет басшысы атап көрсеткен бөлігіне ерекше тоқталды. «…Екі жылдың ішінде бүгінде медициналық пункті жоқ 650 ауылда медициналық -фельдшерлік-акушерлік пункттер салынып, толық жабдықталынады. … Ұлттық жоба аясында 32 аудандық аурухана жаңғыртылып, ауданаралық көпсалалы мекемеге айналады. Оларда инсульт орталықтары, хирургия, реанимация және оңалту бөлімдері ашылады. … Мемлекет миллионнан астам азаматтың алғашқы медицина-санитарлық көмекке қол жеткізуін қамтамасыз етеді». Осылайша, Елбасы ауыл денсаулық сақтау саласын жақсартуға бағытталған медицинадағы жобаның жүзеге асырылатынын хабарлады. Жоғары білім беру саласында: «… Мамандардың еңбегі қашанда жоғары бағаланатындықтан, жастардың белгілі бір мамандықтың барлық қыр-сырын түсінуге ұмтылуы маңызды». Біздің мамандар тек Қазақстанда ғана емес, шетелде де бәсекеге қабілетті болуы керек.
Бірақ, жобаларды сәтті жүзеге асырып, елді көркейту үшін әр адам өзінен бастап, өз үлесін қосуға тырысу керек екенін ұмытпауымыз керек.
