“Семей медицина университеті” КЕАҚ Қоғамдық денсаулық кафедрасында Эразмус+ “Еңбек және қоршаған орта гигиенасы саласындағы магистрлік бағдарламаларды үйлестіру және өзаратану – Harmonee” жобасы аясында жабдықтар, соның ішінде Greentest ECO 4F, Greentestmini, UNI-T UT363BT ауа ағынының жылдамдығы мен температурасын өлшегіш сатып алынды. Greentest ECO 4F және Greentest mini-тестерлері көп функциялы құрылғылар болып табылады және экологиялық жағдайды бақылау үшін қолданылады, соның ішінде. Тамақ өнімдеріндегі (жемістердегі, көкөністердегі, ет, балықтағы) нитраттардың деңгейін, сондай-ақсудың кермектігін және радиациялық фонды анықтау. UT363BT-сұйық кристалды дисплейде ауа ағынының жылдамдығын тікелей көрсете алатын ең жаңа магниттік зондтау технологиясымен жабдықталған шағын ауа ағынының жылдамдығы мен температурасын сынаушы.
Бұл жабдық бір қатар пәндерді – “Қоршаған орта факторларының халық денсаулығына әсерін гигиеналық бағалау”, “Тамақ өнімдерінің қауіпсіздігін басқару”, “қоршаған орта факторларын гигиеналық нормалау” пәндерін зерделеу кезінде “Медициналық- профилактикалық іс” және “Қоғамдық денсаулық сақтау” мамандықтары магистранттарының құзыреттерін дамыту мақсатында пайдаланылатын болады. Қазіргі уақытта жоғарыда аталған құралдар бакалавриат деңгейінде “Салауатты тамақтану және азық-түлік қауіпсіздігі” пәнін оқу кезінде “Қоғамдық денсаулық сақтау” мамандығының студенттерінің құзыреттерін игеру үшін қолданылады. Қоғамдық денсаулық кафедрасының доценті Ш.М. Токешева “Тамақ өнімдерінің сапасы мен қауіпсіздігіне қойылатын гигиеналық талаптар” практикалық сабағында нитраттардың құрамын өлшеу және жаңа піскен көкөністер мен жемістердің радиациялық фонын анықтау бойынша практикалық дағдысын көрсетті.
Болашақта Эразмус+ қаржыландыру кезінде сатып алынған жабдық магистратура мен бакалавриаттың басқа да бірқатар пәндерін оқып-үйрену кезінде пайдаланылатын болады, бұл білім алушылардың құзыреттілігін дамытуға ықпал ететін болады.
Бұл басылымның мазмұны автордың жауапкершілігі болып табылады және Еуропалық Комиссияның көзқарасын көрсетпейді”.[/vc_column_text]
