2022 жылдың 30 қазанында Симуляциялық және білім беру технологиялары кафедрасы «Халықаралық қарттар күніне кураторлық топтардың қатысуымен «Қарттарым асыл қазынам» атты мерекелік іс-шара өткізді.
Мәртебелі қонақ – еңбек ардагері, «Семей медицина университеті» КеАҚ акушерлік және гинекология кафедрасының бұрынғы доценті Құрманғалиева Долорес Айсанқызы болды.
Студенттер дайындаған мерекелік бағдарламада профессорлық-оқытушылар құрамы мен студенттердің құттықтаулары, ардагермен сұхбат және музыкалық нөмірлер болды.
Долорес Айсанқызы балаларға мамандық таңдаудың маңыздылығы жайлы, Харьков медицина институтындағы аспирантурада оқып жүрген кездері, Алма-Матердегі жұмыс күндері, өмірбаянындағы қызықты оқиғалары туралы естеліктерімен бөлісті. Студенттер мен оқытушылар Долорес Айсанқызына өздерін толғандырған сұрақтарын қойды. Кездесу өте тағылымды әрі қызықты өтті.
Долорес Айсанқызының жолдасы – 60-шы жылдардағы дарынды хирург, профессор, Семей қаласының Құрметті азаматы, бүкіл саналы ғұмырын медицина мен денсаулық сақтау саласына арнаған Құрманғалиев Фазыл Құрманғалиұлы туралы әңгімесі студенттер – болашақ дәрігерлер арасында шынайы қызығушылық тудырды.[/vc_column_text]
