14 қазанда Т. А. Назарова атындағы физиологиялық пәндер кафедрасы аз қамтылған Мейрмановтар отбасына қайырымдылық акциясын өткізді. Бұл отбасының мекен-жайы мен мәліметтерін «Асыл арман» еріктілер қозғалысының өкілдері қамтамасыз етті. Игі шараны өткізуге кафедраның 5 кураторлық тобының кураторлары мен студенттері белсенді араласты. Қаражат жиналып, азық-түлік пен біріншілік қажетті заттар сатып алынды.

Кураторлық топтардың ұстаздары мен студенттерін 4 немеренің әжесі Нұргүл Мейрманова қарсы алды. Себебі бұл балалардың анасы оларды жастайынан тастап кеткен. Осы әйелдің қамқорлығында немерелерінен бөлек, психикалық дертке шалдыққан кенже ұлы да бар. Үлкен ұл, 4 баланың әкесі, осы отбасын асырап, еңбек етуде. Бұл кедей отбасы Жоламановка-2 көшесіндегі барак типтес үйде тұрады.

Мейрманова Н. К. бізді үлкен қуанышпен қарсы алып, СМУ КеАҚ оқытушылары мен студенттеріне олардың отбасына көрсеткен материалдық көмектері үшін шынайы алғысын білдірді. Осы сәттерде біздің әрқайсымыз бір толқу мен шексіз жанашырлық сезімін бастан өткердік. Студенттерде жеке және азаматтық жауапкершілік сезімі, өзара көмек пен мұқтаж жандарға қолдау сезімі іске асырылды.

Т. А. Назарова атындағы физиологиялық пәндер кафедрасының ұйымдастыруымен болған қайырымдылық акциясы университетіміздің студенттері арасында кәсіби құзыреттілік пен адамгершілік қасиеттерді дамытуға мүмкіндік береді. Кураторлық топтардың оқытушылары мен студенттері халықтың әлеуметтік осал топтары арасындағы әлеуметтік мәселелерді шешуге моральдық және материалдық көмек көрсетуді жалғастырады.

Т. А. Назарова атындағы физиологиялық пәндер кафедрасы

[/vc_column_text][vc_single_image image=”121207″ img_size=”large” alignment=”center” onclick=”link_image” lazy_loading=”true”][/vc_column][/vc_row]