13 жылдан бері тойланбаған Республика күні биыл мемлекеттік мереке ретінде қайта енгізілді. 25 қазан — біздің еліміз үшін маңызды күн. 1990 жылы, дәл осы күні Қазақстанның Егемендігі туралы декларация қабылданды. Әрине, Республика күні Тәуелсіздікке бастаған алғашқы қадам болды. Ал егемендік туралы декларация Республика Конституциясы мен оның заңдарының үстемдігін жариялады. Еліміздің болашаққа бағдарын дер кезінде айқындады. Ал мемлекеттік мереке мәртебесінің қайтарылуы – Қазақстанның тұрақты дамуы, бейбітшілік пен тұрақтылықты нығайту қағидаларын ұстанатынын растайды.
Республика күні мерекесі қарсаңында, 2022 жылдың 18 қазанында м.ғ.д., профессор С.О.Тапбергенов атындағы биохимия және химиялық пәндер кафедрасының кураторлары мен кураторлық топтарының студенттері салтанатты іс-шара өткізді. Студенттер “Менің елім, менің Қазақстаным”атты презентация дайындап, патриоттық әндер шырқады, би билеп, викториналық ойындар өткізді. Жастар арасында мұндай іс-шараларды өткізу өте маңызды. Себебі, бұл жас ұрпақтың патриоттық сезімін оятуға, өз елінің тарихын тереңірек білуге көмектеседі.
