Ағымдағы жылдың 17-21 қазан аралығында академиялық ұтқырлық бағдарламасы аясында «СМУ» КеАҚ балалар жұқпалы аурулары кафедрасында, И. Қ. Ахунбаев атындағы Қырғыз мемлекеттік медицина академиясының (ҚММА) балалар жұқпалы аурулары кафедрасының меңгерушісі м.ғ.д. Зуура Керімбекқызы Джолбунова “Балалардағы жұқпалы аурулардың өзекті мәселелері” тақырыбында мастер-класс өтті. Семинарға “Жалпы медицина” мамандығының 4 курс студенттері (4407, 4408, 4415 топтар), “Жалпы дәрігерлік практика” мамандығының дәрігер-интерндері (611 топ), “Ересектер, балалар жұқпалы аурулары” мамандығының резиденттері (101 топ), “Отбасылық медицина” мамандығының резиденттері (201 топ), сондай-ақ, балалар жұқпалы аурулары кафедрасының ПОҚ және “Абай облысының жұқпалы аурулар ауруханасы” ШЖҚ КМК балалар жұқпалы аурулар дәрігерлері, барлығы 52 қатысушы тыңдады.
Семинарды «СМУ» КеАҚ балалар жұқпалы аурулары кафедрасының меңгерушісі И. М. Эфендиев салтанатты түрде ашты, визитинг-профессор Джолбунову З. К. тыңдаушыларға бес күн бойы балалардағы жұқпалы аурулар (жіті ішек инфекциялары, қызылша инфекциялары, бөртпе синдромы, бактериялық менингиттер, вакцинамен басқарылатын жұқпалы аурулар) мәселелерін егжей-тегжейлі баяндады. Мастер-класс барысында қатысушылар белсенді пікірталас жүргізіп, дәріскерге сұрақтар қойды.
Семинардың соңғы күні тыңдаушылар кері байланыс ретінде “Kahoot” платформасы арқылы мастер-класс сұрақтарына жауап берді. Семинар соңында салтанатты жағдайда барлық қатысушыларға сертификаттар табысталды. Білім алушылар, алған білімдері “Балалар жұқпалы аурулары” пәнін игеру кезінде олардың құзыреттерін жақсартуға ықпал ететінін атап өтті. Семинар тыңдаушылары визитинг-профессоры, И. К. Ахунбаев атындағы ҚММА балалар жұқпалы аурулары кафедрасының меңгерушісі З. К. Джолбуноваға, сондай-ақ «СМУ» КеАҚ балалар жұқпалы аурулары кафедрасының меңгерушісі И. М. Эфендиевке және оның ұжымына шеберлік сыныбын жоғары деңгейде ұйымдастырғаны үшін алғыстарын білдірді.
Балалар жұқпалы аурулар кафедрасы
