3 қараша күні «Тоқтамыс» балаларды реабилитация орталығының базасында Әлімбаева Әлия Рахметуллинқызының жетекшілігімен студенттік ғылыми үйірменің үшінші отырысы өтті, онда 1 курстың реабилитолог-резиденттері Әлібек Ернар мен Аблакимова Айым «Жамбас дисплазиясы» тақырыбында баяндама жасады. Кездесу тек офлайн режимінде ғана емес, онлайн режимінде де өтті, бұл басқа қалалардың қатысушыларына пайдалы ақпарат алуға мүмкіндік береді. Кездесуге 1 және 2 курстағы резидент-реабилитологтар, педиатрлар, неонатологтар, сонымен қатар 6 және 7 курс интерндері қатысты.
Қазіргі уақытта өмірдің бірінші жылындағы балаларда тірек-қимыл аппаратының туа біткен патологиясының жиі кездесетін түрлерінің бірі жамбас буындарының қалыптасуының бұзылуы болып табылады. Жамбас дисплазиясын емдеудің сәттілігі зардап шеккен баланың жасына кері пропорционалды екендігі дәлелденді. Нәрестелердегі ортопедиялық проблемаларды уақтылы анықтау өте маңызды, өйткені емдеу мен реабилитация ерте басталуы ғана жақсы нәтижелерге әкеледі. Сондықтан бұл мәселені зерттеудің өзектілігі мен қажеттілігі реабилитолог үшін де, неонатолог, педиатр үшін де даусыз.
Қорытындылай келе, жамбас дисплазиясы диагнозы бар науқастың клиникалық мысалы келтірілді, сондай-ақ осы проблемасы бар балаларда қолданылатын консервативті емдеу әдістері туралы бейнеролик көрсетілді. Аудиторияға берілген ақпарат өте өзекті болып шықты, қатысушылар белсенді түрде сұрақтар қойды, практикалық тәжірибелерімен бөлісті, сол арқылы аудитория арасында пікірталас тудырды.
Студенттік ғылыми үйірме – басқа бағыттар бойынша білімдерін жетілдіруге, коммуникативтік және практикалық құзіреттілікке ие болуға жақсы мүмкіндік.
Мақала авторы: Мадина Саутбаева
