2022 жылдың 21 қарашасында «Психиатрия және наркология» кафедрасында «Діни қауіпсіздік және жастар арасындағы экстремизм мен терроризмнің көріністеріне қарсы іс-қимыл» тақырыбында дөңгелек үстел ұйымдастырылды. Ұйымдастырушылар: «Психиатрия және наркология» кафедрасының меңгерушісі, PhD докторы Молдағалиев Т. М., кафедра ассистенті Алмағамбетова А. А., куратор, симуляциялық және білім беру технологиялары кафедрасының ассистенті Мусабекова Н. Е., куратор, қалыпты физиология кафедрасының ассистенті Шакабаева А. А. Қатысушылар: 3, 5 ЖМ курс студенттері, кураторлық 5108, 3613, 3612 топтар, 3640 шетел тобы.
Семей медицина университетінің 5,3 курс студенттеріне «Психиатрия және наркология» кафедрасының меңгерушісі Молдағалиев Т. М., кафедра ассистенті А. А. Алмагамбетова құттықтау сөз сөйледі. Олар өз сөзінде тақырыптың өзектілігін айтып, студенттердің назарына жастардың дін және экстремизм, терроризм және деструктивті мінез-құлық ұғымдары туралы қажетті объективті түсініктерді қалыптастыру мақсатын ұсынды. Олар діни негіздегі діни фундаментализм, экстремизм және терроризм құбылыстарымен, олардың таралу факторларымен және секталар мен культтерден қорғану құралдарымен таныстырды.
Студенттердің назарына 5108 топ студенті Абетжанова Мадина презентация ұсынды, онда жастар экстремизмінің түрлері; жастарды экстремистік мінез-құлыққа итермелейтін себептер; радикализм мен экстремизмнің көріністері; экстремизм мен терроризмнің тиімді алдын алудың шарттары мен шаралары туралы ақпарат көрсетілді.
Студенттер белсенді түрде пікірталасқа түсіп, сұрақтар қойып, жаңа білім алды.[/vc_column_text]
