ЖОО оқытушыларының кезекті тобын «Ақпараттық-коммуникациялық технологиялар» циклі бойынша біліктілікті арттыру курстарында оқыту аяқталды. 2022 жылғы 21 қараша мен 3 желтоқсан аралығында «Семей медицина университеті» КеАҚ симуляциялық және білім беру технологиялары кафедрасының, стоматологиялық пәндер және жақ-бет хирургиясы кафедрасының, хирургиялық пәндер кафедрасының, жалпы дәрігерлік практика кафедрасының, B.С. Буланов атындағы жүрек-қан тамырлары және кеуде хирургиясы кафедрасының және эпидемиология және биостатистика кафедрасы оқытушылары қатысты. Курсты «Симуляциялық технологиялар және медициналық білім» кафедрасы ұйымдастырды және оны п.ғ.к., ЖББП кафедрасының доцент м.а. И.С. Мусатаева өткізді. «Ақпараттық-коммуникациялық технологиялар» циклі бағдарламасының мазмұны тек электронды оқытуды енгізу үшін ғана емес, кәсіби қызметтің барлық түрлерін жүзеге асыру үшін қажет студенттердің нақты қажеттіліктеріне бағытталған. Курс барысында студенттер мәтіндік, кестелік және графикалық ақпаратты өңдеу арқылы MS’Office бағдарламалық орталарында жұмыс істеу дағдыларын жетілдірді. Курс барысында білім беру ресурстары мен оқыту курстарын құру үшін әртүрлі бағдарламалық құралдармен жұмыс істеу дағдылары дамыды, сонымен қатар Google қосымшаларының, on-line түрлендіргіштері мен платформаларының мүмкіндіктері пайдаланылды. ЖОО оқытушыларының АКТ құзыреттілік деңгейін арттыру жоғары білім беруді цифрлық трансформациялаудың маңызды құрамдастарының бірі болып табылады.
