16 желтоқсанда қазақстандықтар, бүкіл еліміз үшін айтулы мереке – Қазақстанның Тәуелсіздік күнін атап өтеді. Дәл осы күні, яғни 1991 жылы 16 желтоқсанда «Республикамыздың тәуелсіздігі мен мемлекетіміздің егемендігі туралы» заң қабылданды.
2022 жылдың 12 желтоқсанында кафедраның кураторлық топтарының студенттері мен кураторлары Тәуелсіздік күніне арналған салтанатты іс-шара өткізді. Студенттер «Ар намысым, қасиетім, мақтанышым-Желтоқсан!» атты презентация дайындап, патриоттық әндер орындап, би билеп, викториналық ойындар өткізді. Іс-шара «Атамекен» әнімен аяқталды.
Мұндай іс-шараларды студенттер арасында өткізу өте маңызды, бұл өз еліне деген патриоттық сезімі мен мақтаныш сезімін оятуға көмектеседі. Елдің болашағы біздің қолымызда, себебі сол мемлекеттің халқы – біз.
Кафедра кураторлары