2022 жылғы 20 желтоқсанда онлайн-режимде Абай облысының стационарлық және емханалық деңгейдегі медицина қызметкерлеріне арналған “Балалардағы тұмау және басқа да ЖРВИ” тақырыбында семинар өтті.
Республикада ағымдағы жылдың 1 қазанынан бастап тұмау және ЖРВИ-мен сырқаттанушылықтың маусымдық өсуі байқалады. ҚР санитарлық қызметінің мәліметінше, ЖРВИ-нің 2 млн 100 мыңнан астам жағдайы тіркелген. Оның ішінде 14 жасқа дейінгі балалар – 1 млн 370 мың (https://www.nur.kz/health/medical-conditions/2002825-v-kazahstane-bolee-1-mln-detey-zaboleli-grippom/)
Балалар арасында және Абай облысында тұмауға және басқа да ЖРВИ-ге шақыртулар мен өтініштер саны артты. СМУ КеАҚ балалар жұқпалы аурулары кафедрасының меңгерушісі, Абай облысының штаттан тыс балалар бас инфекционисті, м.ғ. к. И. М. Эфендиевтің жетекшілігімен Абай облысының Денсаулық сақтау басқармасының қолдауымен аталған семинар ұйымдастырылды.
Эфендиев Имдат Мусаевич кіріспе сөз сөйлеп, қатысушылардың назарын балалардағы ЖРВИ мен тұмаудың клиникалық-эпидемиологиялық ерекшеліктеріне аударды. Балалар жұқпалы аурулары кафедрасының ассистенті, м.ғ.к. Мансурова А. А. “Балалардағы тұмау және ЖРВИ этиологиясы, жіктелуі және клиникасы” атты тақырыбымен, балалардағы тұмаудың және басқа да жіті респираторлық инфекциялардың ауырлық критерийлерін, сондай-ақ асқынуларды диагностикалаудың клиникалық критерийлерін егжей-тегжейлі баяндады. Семинар жоспарына сәйкес, балалар жұқпалы аурулары кафедрасының ассистенті Т.Д. Дәлелқанова “Ажырату диагностика, зертханалық тексеру, балалардағы тұмау мен ЖРВИ терапиясы және алдын алу” презентациясымен сөз сөйледі.
Семинардың қорытындысын Эфендиев Имдат Мусаевич қорытындылады, ол медицина қызметкерлеріне Абай облысының ДСБ-мен бірлесіп әзірлеген Семей қаласының медициналық мекемелеріне тұмаумен және басқа да ЖРВИ бар балаларды емдеуге жатқызу бағытын ұсынды.
Семинар соңында ұйымдастырушылар кері байланыс алып, қатысушылардың сұрақтарына жауап берді. Семинарға барлығы 61 тыңдаушы қатысты.
Балалар жұқпалы аурулар кафедрасы
