22 ақпан 2023 жылы Д. Қалматаев атындағы мемлекеттік жоғары медициналық колледжінің оқытушысы Құсманов Ақылбек Турлыхановичтің жетекшілігімен жастардың мамандықтарға деген ынта-ықыласын арттыру, жоғары оқу орнындағы фармация мамандығына қатысты түсініктерін кеңейту мақсатында фармация мамандығының 1 курс 2 тобының студенттері арнайы «Семей медицина университеті» коммерциялық емес акционерлік қоғамына келіп, қабылдану тәртібімен, яғни қабылдану сұхбат арқылы өткізілетіні және т. б. жайлар туралы мағлұматтар алды.

Сонымен бірге,әскери кафедраға келіп, оқу бөлмелерін, қару-жарақ бөлмелерін, сонымен бірге шағын кітапхананы аралап шықты.Университет қабырғасында білім ала отырып, фармация мамандығының студенттері, әскери кафедрада оқу үшін іріктеу конкурсына құжаттар тапсырып, «Запастағы сержант» бағдарламасының толық курсын 1 жыл ішінде оқып-аяқтаған жағдайда әскери атақ алатындары жайлы хабардар болды.

Әскери кафедраның оқытушылық құрамы кафедраға қабылдану тәртібімен, өз пәндері бойынша берілетін әскери – есептік мамандықтармен таныстырып, әскери дайындыққа қатысты жайлар туралы ақпараттар берді.

Ризашылық білдірген студенттер болашақта «Семей медицина университеті» КеАҚ-да жоғары білім алып, қосымша әскери кафедрада оқысақ деген ниеттерін білдірді.

Тәрбие жұмысына жауапты медицина қызметінің подполковнигі Н. Смаилов

[/vc_column_text][vc_single_image image=”137664″ img_size=”large” alignment=”center” onclick=”link_image” lazy_loading=”true”][/vc_column][/vc_row]