2023 жылдың 3 наурыз күні «МЕДСЕРВИС ПЛЮС» Қазақ фармацевтикалық компаниясы» ЖШС мен «Семей медицина университеті» КеАҚ арасында ынтымақтастық туралы меморандум қабылданды. Меморандумға қол коюға Басқарма Төрағасы – Ректордың міндетін атқарушы Смаилова Жанаргуль Кайыргалиевна, келесі тарапта, персоналды басқару департаментінің директоры, «КФК «Медсервис Плюс» ЖШС басқарма мүшесі Турукпенова Сауле Жолмухановна қатысты.
Ынтымақтастықтың басты мақсаттары:
- «СМУ» КеАҚ студенттеріне фармация және медициналық менеджмент саласында кәсіби білім мен тәжірибелік дағдыларды меңгеруіне жағдай жасауға жәрдемдесу;
- «СМУ» КеАҚ-на Компанияда оқу немесе өндірістік тәжірибе жүргізуге және ұйымдастыруға әдістемелік көмек көрсету;
- «СМУ» КеАҚ-на Компанияға түлектерді тартуға бағытталған информациялық және кәсіптік бағдар беруге көмек;
- «СМУ» КеАҚ студенттерін фармациялық нарық қызметімен және фармацевтикалық өнеркәсіп орынының ұйымдық құрылымымен таныстыру.
