Қазіргі әлемде қоршаған ортаның адам денсаулығына әсері түбегейлі шаралар қабылдауды талап ететін жаһандық проблемаға айналды. Тұрақты таза экологиямен бір бағытта жүре отырып, адам табиғаттың физикалық және рухани сыйларын алады, бірақ қазіргі уақытта, әсіресе үлкен мегаполистерде экология айтарлықтай бұзылған. Оның бұзылуы адамзат тіршілігінде қайғылы із қалдырады, ағзаның тыныс алу жүйесінің көптеген аурулары, қатерлі ісік аурулары, депрессия, жүйке жүйесінің бұзылуы, ластанған тамақ, су, ауа – мұның бәрі адамның және жалпы жердің дисфункциясына әкеледі. Қоршаған орта саласындағы студенттерге білім беру және тәрбиелеу қазіргі уақытта жастармен жұмыс істеудің басым бағыттарының бірі болып табылады. Оған жеке тұлғаны әлеуметтендіру, экологиялық және табиғатты қорғауды насихаттау сияқты тәрбиені қамтитын табиғатты қорғау және экологиялық оқыту кешенінің көмегімен қол жеткізіледі. Экологиялық мәдениетті тәрбиелеудегі маңызды аспект – табиғатқа деген адамгершілік қатынасты дамыту, оның сұлулығын қабылдау және сезіну, барлық табиғи құбылыстарға ұқыпты қарау.

2023 жылдың 10 сәуірінде м.ғ.д., профессор С.О. Тапбергенов атындағы биохимия және химиялық пәндер кафедрасында кафедра куратор К.Т.Сыдыкованың жетекшілігімен “Стоматология” мамандығының 202 топ студенттері “Экологияның адам ағзасын әсері” тақырыбында кураторлық сағат өткізді. Кураторлық сағат өте қызықты өтті. Студенттер қоршаған ортаның ластану факторлары және олардың адам ағзасына әсері туралы презентация дайындады. Студенттер табиғатқа ұқыпты қарау және қоршаған ортаны қорғау туралы талқылады.

Бір адамның күш-жігері жаһандық мәселелерді шеше алмайды. Бірақ егер әркім табиғатты қорғауға өз үлесін қосатын болса, онда адамдар планетаны болашақ ұрпақ үшін таза ұстай алады.

Биохимия және химиялық пәндер кафедрасының оқытушысы К.Т. Сыдыкова