Қазанда (Татарстан) “Медициналық білім: ХХІ ғасырдың ұрпағын таңдау” атты IX халықаралық оқу-әдістемелік конференция өтті.
Конференцияның ашылуы Татарстан Республикасы Ғылым Академиясының корреспондент-мүшесі, “Қазан мемлекеттік медицина университеті” ФГБОУ ректоры профессор Созинов Алексей Станиславовичтің құттықтау сөзінен басталды.
3 күндік конференцияның бірінші күні ” Қазақстанда үздіксіз интеграцияланған медициналық білім беруді енгізу. Семей Медицина Университетінің тәжірибесі ” тақырыбында “СМУ” КеАҚ Басқарма Төрағасы – Ректор Дюсупов Алтай Ахметкалиевич сөз сөйледі.
Конференцияның екінші күні де қызу өтті. А.А. Дюсупов делегация құрамында Республикалық клиникалық ауруханада болып, өңіраралық клиникалық-диагностикалық орталық базасында “жоғары технологиялық медицина үшін мамандар даярлаудың жаңа модельдері” атты дөңгелек үстел жұмысына қатысты.
Конференцияның соңғы күні Халықаралық ғылыми-білім беру консорциумын (Казан ММУ, Солтүстік-Батыс ММУ, Қарағанды медицина университеті, Семей медицина университеті) құру туралы келісімге қол қойылды.
Сондай-ақ, конференцияға қатысушылар Татарстан Республикасының басшысы Рустам Нургалиевич Миннихановпен кездесті.
