Алтын дәрігердің мерейтойы

Алтын дәрігердің мерейтойы

Бүгін белгілі дәрігер, денсаулық сақтау саласының үздігі Төлеутаева Гүлнар Есенжанқызының 70 жасқа толуы орай кеш өтті. Шара барысында мерейтой иесінің медицина саласына сіңірген еңбегі жайлы, білікті маман ретінде, білімді басшы ретінде атқарған істері жөнінде айтылды. «Семей медицина университеті» КеАҚ Клиника және дипломнан кейінгі білім беру жөніндегі проректоры Думан Берікұлы Гүлнар Есенжанқызына «Семей медицина университеті» КеАҚ Басқарма Төрағасы-Ректор Алтай Ахметқалиұлының құттықтау тілегін жеткізіп сый-сияпат тарту етті. Мұнымен қатар мерейтой иесіне Ұлттық Медицина ассоциациясының «Алтын дәрігер» медалі табысталды. Ыстық та шынайы лебіздерге толы болған кеш шағын концерттік бағдарламаға ұласты.